မကြာသေးမီရက်ပိုင်းက ရန်ကုန်မြို့တွင် နေရာအချက်ပြ (GPS )စနစ်ဖြင့် မြို့ပြပြောက် ကျားအဖွဲ့၏ လက်နက်သိုလှောင်ရာနှစ်ခုကို အာဏာသိမ်းစစ်ကောင်စီတပ်က ဝင်ရောင်စီးနင်းခဲ့သည်။ စစ်ကောင်စီဘက်မှ GPS အသုံးပြု ခြေရာခံလာခဲ့ခြင်းသည် တော်လှန်ရေးအဖွဲ့အစည်းတိုင်းအတွက်တပ်လှန့် သတိပေးခေါင်းလောင်းသံဖြစ်ကြောင်း အငြိမ်းစားထောက်လှမ်းရေးအရာရှိတစ်ဦးကပြောသည်။
တော်လှန်ရေးအင်အားစုအဖွဲ့တစ်ခု အသုံးပြုနေသည့် (သို့မဟုတ်) ထောက်ပံ့မှုမှ ရရှိသည့် လက် နက်တစ်ခုတွင် တည်နေရာအချက်ပြ (GPS) စနစ်တပ်ဆင်ခံလိုက်ရခြင်းကြောင့် တောင်ဥက္ကလာနှင့် မြောက်ဒဂုံမြို့နယ်တို့ရှိ တော်လှန်ရေးအင်အားစုများ၏နေရာနှစ်ခုကိုအကြမ်းဖက်စစ်တပ်က ဖေဖော်ဝါရီ ၈ရက်တွင် ဝင်ရောက်စီးနင်းခံခဲ့ရသည်။
ထိုဖြစ်စဥ်နှစ်ခုအနက် လူပုဂ္ဂိုလ်လေးဦးနှင့် M79ဗုံးပစ်လောင်ချာ(၂) လက်၊ 40mm ဗုံးသီးများ၊လက်ပစ်ဗုံး၊ ကျည်ဆန်အချို့ဖမ်းဆီးခံခဲ့ရသည်။
“ဟိုအရင်လပိုင်းတွေက မိသွားတဲ့ အခြေအနေတွေကိုကြည့်ရင် တစ်ယောက်မိရင် အဲဒီကနေ ကွင်း ဆက်တွေ ရော အသိုက်ရော၊ပစ္စည်းတွေပါမိတာ။ အခုနောက်ပိုင်း မြို့ပြ အဖွဲ့တွေချဲ့ထုတ်လိုက်တော့ နောက်ဆက်တွဲ ပြတ်ကုန်ရော။ဒါ ကြောင့်သူတို့ နောက်တစ်မျိုးကြံစည်တာပေါ့။အဲဒီမှာ လက်နက် လိုအပ်ချက် ဂွင်ကို စကစ(စစ်ကောင်စီ)က သိတယ်။ဒါကြောင့် အိုင် ကြီးကြီး ပက်ပြီး ဖမ်းသွားတာ။ကျွန် တော့် အမြင်အရဆို လက်နက်သို လှောင်ရုံ ဆိုပြီး တထစ်ချပစ်မှတ်ထားတာမဟုတ်ဘူး။အိုင်ကြီးထဲမှာ ငါးသေးရော၊ငါးကြီးရော ရှိနိုင်မှာပဲ။ထည့်ပေးလိုက်တဲ့ ပစ္စည်းရဲ့ လားရာအမှတ် က နှစ်နေရာ ပြတယ်။အဲဒီနှစ်နေရာကို သတ်မှတ်ချိန်အတွင်းဝင်စီးတယ်။ဒါပဲ “ဟု အထက်ပါအငြိမ်းစားရဲထောက် လှမ်းရေးအရာရှိက တောင်ဥက္ကလာပနှင့် မြောက်ဒဂုံးမြို့နယ်မှာ မြို့ပြပြောက်ကျားအဖွဲ့ အချို့ဖမ်းဆီးခံလိုက်ရခြင်းအပေါ်သုံးသပ်ပြောကြားသည်။
Public Service Announcement
ဆက်လက်၍ ၎င်းက “တော်လှန်ရေးကာလ က အချိန်ထပ်ကြာနိုင်တယ်ဆိုတာ စကစ ဘက်က သိတယ်။တစ်ဖက်မှာလည်း သူတို့ရဲ့ မြေပြင် သတင်းပေးဒလန်တွေ က အရင်ကလောက် အလုပ်သိပ်မဖြစ်တော့ဘူး။ဒါကြောင့် နည်းပညာပိုင်းကို သူတို့ပိုဖိလာတယ်။တစ်ခုရှိတာ ဒီဘက်ခေတ်ကလည်း နည်းပညာခေတ် ဖြစ်လာတာကို။ဒီလမ်းကြောင်းပေါ်ကနေတဆင့်ပဲ ထောက်လှမ်းရေးကွန်ယက်တွေ ရနိုင်သမျှ သူတို့ ထပ်ချဲ့လိမ့်မယ်”ဟုလည်း ခန့်မှန်းပြောကြားသည်။
ယခုတလော အကြမ်းဖက်စစ်ကောင်စီက နည်းပညာအသုံးပြု၍ ဖမ်းဆီးတိုက် ခိုက်မှုများပြုလုပ်လာခြင်းသည် ထောက်လှမ်းမှုများကို သေချာပြင်ဆင်လာခြင်းမျိုးဖြစ်သည်ဟု CDM ဗိုလ်ကြီး လင်းထက်အောင်က ၎င်း၏ လူမှုကွန်ယက်စာမျက်နှာမှတဆင့် အသိပေးသည်။
“ကျနော်တို့တွေ အဲ့အတွက် အများကြီးပြင်ဆင်သင့်တယ်။ကျနော်တို့တော်လှန်ရေးမှာ အိုင်တီကျွမ်းကျင်တဲ့ ပြည်တွင်းပြည်ပကသူတွေ အများကြီးရှိပါတယ်။သူတို့ရဲ့ ကျွမ်းကျင်မှုတွေကို စုပေါင်းအသုံးချပြီး တော်လှန်ရေးတပ်ဖွဲ့တွေအတွက် နည်းပညာနဲ့ပတ်သတ်ပြီး သေချာမျှဝေသင့်တယ်လို့မြင်တယ်။ခေတ်သစ်စစ်ပွဲတွေမှာ အိုင်တီနည်းပညာ သိပ်ကို အရေးပါပါတယ်”ဟု ပြည်သူနှင့်ပူးပေါင်းခဲ့သောတက်မတော်သား ဗိုလ်ကြီးကအကြံပြုသည်။
တစ်ဖက်တွင်နွေဦးတော်လှန်ရေးတွင် နည်းပညာအကျွမ်းတဝင်ရှိလှသော လူငယ်များက ဦးဆောင်နေသည့်အတွက် နည်းပညာများနှင့် အကျွမ်းတဝင်ရှိပြီး၊သင်လွယ်တက်လွယ်ခြင်းမှာလည်း တော်လှန်ရေးအဖွဲ့အများစုအတွက်အားသာချက်ဖြစ်သည်။သို့သော် စနစ်တကျ သင်ကြားလေ့ကျင့်မှု ၊စုဖွဲ့မှု ၊ပံ့ပိုးမှု ကောင်းစွာလိုအပ်ကြောင်း မြို့ပြပျောက်ကျားတပ်ဖွဲ့ဝင်တစ်ဦးကပြောသည်။
ယခုရက်ပိုင်း ဖေ့စ်ဘွတ်ခ်တွင် ပေါက်ကြားလာသောသတင်းအရ အကြမ်းဖက်စစ်ကောင်စီတပ်သည် ဒေသအစုံတွင်တပ်ဖွဲ့ဝင်များ သေဆုံးထိ့ခိုက်မှုများပြီး အင်အားလျော့နည်းလာသဖြင့် ပြည်သူ့စစ်အမည်ဖြင့် ပျူစောထီးကဲ့သို့ စစ်ကောင်စီ ခိုင်းသမျှလုပ်မည့်သူများကိုမွေးမြူရန် နှင့် သတင်းအချက်အလက်ရရှိရေးနည်းမျိုးစုံအသုံးပြုရန်ဆိုသောအချက်ပါဝင်သည်ကိုတွေ့ရသည်။ ထိုကြောင့် စစ်ကောင်စီက PDF ၊ မြို့ပြပြောက်ကျားတပ်ဖွဲ့ ၊ အမျိုးသားညီညွတ်ရေးအစိုးရ-NUG ၊အမျိုးသားညီညွတ်ရေး အတိုင်ပင်ခံကောင်စီ- NUCC ၊ တိုင်းရင်းသားလက်နက်ကိုင်အဖွဲ့များထံမှ သတင်းအချက်အလက်များရရန် နည်းလမ်းပေါင်းစုံအသုံးပြုမည်မှာ သံသယရှိစရာမရှိပေ ။
ဖုန်းဆင်းကတ်မှ တစ်ဆင့်ခြေရာခံခြင်းကိုလည်း စစ်ကောင်စီကလုပ်ခဲ့သည်။ ဖုန်းခေါ်ဆိုမှု မှတ်တမ်းများ ၊ဖုန်းသုံးစွဲသူတည်နေရာနှင့်အချက်အလက်များကို အကြမ်းဖက်စစ်ကောင်စီက တယ်လီနောမြန်မာသို့ အကြိမ် ၂၀၀ ကျော်တောင်းခံခဲ့ကြောင်း Myanmar Now သတင်းဌာနကမကြာသေးခင်ကသတင်းဖော်ထုတ်ရေးသားထားသည်။ တယ်လီနောကဲ့သို့ပင် အော်ရီဒူး ၊MPT နှင့် Mytel တို့ထံမှ ၎င်းတို့အလိုရှိသူများ၏ အချက်အလက်များကို စစ်ကောင်စီက ရယူနောက်ယောင်ခံလိုက်ခဲ့ကြသည်။
ထိုအပြင် စစ်ကောင်စီသည် စစ်အာဏာရှင်ဆန့်ကျင်ရေးသပိတ်များနှင့် မြို့ပြပျောက်ကျားတပ်ဖွဲ့များကို ဖြိုခွင်းရန်အတွက် ရန်ကုန် ၊မန္တလေး မြို့ကြီးမျာတွင် တပ်ဆင်ထားသော လုံခြုံရေးကင်မရာ(CCTV) များကို အသုံးပြုခဲ့သည်ကိုလည်းတွေ့ရသည်။ မန္တလေးမြို့တွင် အရပ်သားအစိုးရလက်ထက်ကနဦးစတင်ခဲ့သော Safe City စီမံကိန်းတွင် မြို့ပေါ်ရှိလမ်းများ ၊မီးပွိင့်များတွင် CCTVများတပ်ဆင်၍ တစ်မြို့လုံးကို ထိန်းချုပ်ခန်း (Control Room)မှစောင့်ကြည့်နိုင်သောနည်းပညာနှင့်စနစ်ကို ဟွာဟွေးဖြင့်လုပ်ကိုင်ရန် စီစဥ်ခဲ့သည်။သို့သော်ထိုစီမံကိန်းကို ဟွာဝေးက ဆက်မလုပ်တော့သော်လည်း နောင်ရိုးနှင့် ACE ကုမ္ပဏီ နှစ်ခုကဆက်လက်လုပ်ကိုင်ပေးပြီးအကြမ်းဖက်စစ်ကောင်စီကို ကူညီပေးနေကြောင်းလည်း စုံစမ်းသိရသည်။
ထိုကြောင့် မန္တလေးမြို့ ရှိလမ်းများ၊မီးပွိုင့်များမှ CCTV များမှတစ်ဆင့် ကင်မရာအောင်တွင် သွားလာသူများ၏ အချက်အလက်များကို ခြေရာခံနိုင်သောဈေးကြီးလှသည့်ဆော့ဝဲလ်ကိုပါ စစ်ကောင်စီအတွက် ထိုကုမ္ပဏီနှစ်ခုက တပ်ဆင်ပေးထားပြီးဖြစ်သည်။ထိုကြောင့် မြို့ပြပျောက်ကျားတပ်ဖွဲ့များ ၊ဆန္ဒပြ ပြည်သူများအတွက် အထူးသတိ့ထားရန်လိုကြောင်း နည်းပညာကျွမ်းကျင်သူတစ်ဦးကပြောသည်။ ထိုစောင့်ကြည့်စနစ်သည် အိမ်တွင်အသုံးပြုသောCCTV ထက်စွမ်းဆောင်ရည်များစွာပိုသာလွန်ပြီး ပေပေါင်းတစ်ထောက် ၊နှစ်ထောင်စသောအကွာအဝေးမှ ပုံရိပ်များကိုပင် Zoomဖြင့်ဆွဲ၍ ကောင်းစွာမြင်နိုင်သည်။ စစ်ကောင်စီကCCTV ဖြင့်စောင့်ကြည့်ခြင်းကို မန္တလေးမြို့ နှင့်ရန်ကုန်အပြင် အခြားမြို့များတွင်ပါ ချဲ့ထွင်ရန် ကြိုးစားနေသည်ကိုလည်း တွေ့ရသည်။
အကြမ်းဖက်စစ်ကောင်စီသည် ၎င်းတို့အားဆန့်ကျင်သူမှန်သမျှကို နည်းလမ်းမျိုးစုံအသုံးပြု ထောက်လှမ်းနေသည်ကို တော်လှန်ရေးရဲဘော်များအားလုံးကလည်း သတိပြုနေထိုင်နေသည်ဟု ရန်ကုန်မြို့ပြ ပြောက်ကျား အဖွဲ့ဝင်တစ်ဦးက ပြောသည်။
“နည်းပညာပိုင်းနဲ့ပက်သက်ပြီးစီမံထားတဲ့ဆောင်ရန်ရှောင်ရန်ကိုအသေးစိတ်ပြောပြဖို့တော့ခက်လိမ့်မယ်။စစ်ကောင်စီရဲ့ နယ်မြေထောက်လှမ်းရေးတွေ၊စရဖတွေ၊CIDနဲ့ စစစ အင်အားတွေကိုစကစ ဘက်က တိုးမြှင့်ထားတဲ့သတင်းကို ကျတော်တို့အတိကျသိထားပြီးဖြစ်တယ်။ဒါ့အပြင် နည်းပညာ (IT)ပိုင်းကို အဆင့်မြှင့်တင်မှုတွေလုပ်နေတာတွေထိန်းချုပ်ဖို့ကြိုးပမ်းနေတာတွေရှိတယ်။ အခု အတည်မပြုနိုင်သေးပဲ ကြားနေရတဲ့သတင်းအရဆို ရုရှားကပညာရှင်တွေကိုပါ စကစ အလိုရှိခိုင်းစေဖို့လွှတ်ပေးထာတယ်ဆိုတဲ့သတင်းကိုလည်းကြားနေရတယ်”ဟု အထက်ပါမြို့ပြပြောက်ကျားတပ်ဖွဲ့ဝင်တစ်ဦး က ပြောသည်။
ထို့ကြောင့် တော်လှန်ရေးအင်အားစုများအနေဖြင့် နည်းပညာနှင့် ပတ်သက်သည့် ကိစ္စရပ်များကို မပေါ့ဆပဲ အဖွဲ့အစည်းတွင် အတွင်းစည်းကိုတိကျစွာဆောင်ရွက်ရန်လည်း ၎င်းတို့က တိုက်တွန်းကြသည်။
ထို့အပြင် ယခုရက်ပိုင်းအတွင်း နယ်မြို့များ၌ အကြမ်းဖက်စစ်ကောင်စီလက်အောက်ခံ ရဲတပ်ဖွဲ့ဝင်အချို့ကို ခရီးသွားပုံစံများဖြင့် ဒေသခံ ပြည်သူ့ကာကွယ်ရေးတပ်ဖွဲ့များက ဖမ်းဆီးနိုင်ခဲ့သည့် ဖြစ်စဥ်များတွင် စစ်ကောင်စီအတွက် တည်နေရာပြ ဒလန်ဖြစ်မည်ကို စိုးရိမ်ရသည်ဟု ပြည်သူများက စိုးရိမ်ပူပန်မှုရှိနေသည်။
“နည်းပညာခေတ် ဆိုတော့ တော်လှန်ရေးအ တွက် ဘက်ပေါင်းစုံက စဥ်စားရမယ်။လူ့ခန္ဓာ ကိုယ်ထဲကို GPS ထည့်လို့ရနိုင်တာပဲလေ။မိတာတွေအတွက်တော့ ဝမ်းသာရတာပဲ။ဒါပေမယ့်တမင်သက်သက်အဖမ်းခံပြီး တော်လှန်ရေးစခန်းနေရာတွေနဲ့၊လွတ်မြောက်နေရာတွေကို ဖော်သွားမှာစိုးရိမ်တာ”ဟု ပြည်သူတစ်ဦးက ၎င်း၏ စိုးရိမ်ပူပန်မှုကိုဖွင့်ဟသည်။
သို့သော် အကြမ်းဖက်စစ်ကောင်စီလက်အောက်ရှိ တပ်သားများကို ဖမ်းမိခြင်း(သို့မဟုတ်)CDM ဝင်ရောက်လာသူများကို အလွယ်တကူ လွတ် မြောက်နယ်မြေ သို့ ပို့ဆောင်နေခြင်းမဟုတ်ဘဲ လူကိုယ်တိုင်စစ် ဆေးခြင်းနှင့် ဆေးစစ်ခြင်း တို့ကို စနစ်တကျပြုလုပ်နေကြောင်း လည်း ပုလဲ မြို့နယ်အ ခြေစိုက် Pale Joker ပြည်သူ့ကာကွယ်ရေးတပ်ဖွဲ့ခေါင်းဆောင် ဗိုလ်ပုလဲက ပြောသည်။
“နည်းပညာ ၊စစ်လက်နက် ပြင်ဆင်မှုဆိုလို့ ပြည်သူတွေရဲ့ ပူးပေါင်းဆောင်ရွက်မှု သတင်းပေးမှုက ကျွန်တော်တို့ ပြည်သူ့ကာကွယ်ရေးတပ်ဖွဲ့တွေအတွက် အဓိအသက် သွေးကြောပဲ။နောက် ကျွန်တော်တို့ဖက်မှာတော့ တောတောင်သဘာဝအရ ခြေရာခံစနစ် အသုံးပြုရင်တောင် စစ်ခွေးတွေအတွက် အခက်အခဲက ရှိနေမှာပဲ။ဘာပဲ ဖြစ်ဖြစ် တော်လှန်ရေးက ကြာလာလေလေ ပိုပြီး သတိကြီးကြီးထားတာ အကောင်းဆုံးပဲ”ဟု ၎င်းက ဆက်ပြောသည်။
အကြမ်းဖက်စစ်ကောင်စီ၏ နည်းပညာ အသုံး ပြု၍ အကွက်ချကာတိုက်ခိုက်ခံနေရသည့်တိုင် ရန်ကုန် ၊မန္တလေးအပါအဝင် မြို့ပြ ပြောက်ကျားဆင်နွှဲ နေသည့် ဒေသများတွင် မြေပြင်အခြေအနေသည်အကြမ်း ဖက်စစ်ကောင်စီကို ဖိအားပေးထားနိုင်ဆဲ ဖြစ်သည်ဟု တော်လှန်ရေးအင်အားစုအချို့က မှတ်ချက်ပြုသည်။
“လက်ရှိမြို့ပြတွေမှာရင်ဆိုင်တိုက်ပွဲတွေမဖော်ဆောင်သေးပေမယ့်ပြောက်ကျားတိုက်ခိုက်မှုတွေကိုခပ်စိတ်စိတ်ဖြစ်လာတယ်။တိကျတဲ့ပစ် မှတ်တွေကိုအချိန်နဲ့တပြေးညီရှင်းနေကျသလို တစ်ဖက်မှာလဲ စကစ ကိုတောက်လျောက်ဖိအားပေးထားနိုင်တာသေချာတယ်။အဲ့ဒီလိုလှုပ် ရှားမှုတွေကြောင့် ကျွန်တော်တို့ရဲဘော်တွေ ကျဆုံးကျရတယ်။ခွေးဆွဲခံရတယ်။ဒါတွေကြောင့်တော့နောက်ဆုတ်သွားဖို့မရှိဘူး။ကြောက်သွားစရာမရှိဘူး။တော်လှန်ရေးမှာအထိအခိုက်အပွန်းအပဲ့ကိုတော့ ကျွန်တော်တို့လက်ခံရလိမ့်မယ်။ရှိနေတယ်နောက်လဲရှိနေမှာပါ။အဲ့ဒါတွေအပေါ်စိတ် ဓာတ်ကျမသွားပဲ တော်လှန်ရေးအင်အားစုတွေအကြားပိုမိုခိုင်မာတဲ့ ယုံကြည်မှုတွေနဲ့အချိတ်ဆက်မိမိအခုထက်ပိုတော်လှန်သွားဖို့ပဲလိုတယ်”ဟုတော် လှန်ရေးအဖွဲ့တစ်ဖွဲ့မှတာဝန်ရှိသူတစ်ဦးက ပြောသည်။
ထိုအပြင် အထက်ပါနည်းပညာများကို စစ်ကောင်စီသုံးစွဲလာသော်လည်း ထိုနည်းပညာများကိုကျော်လွှာနိုင်သော၊ခြရာခံမရအောင်လုပ်သောနည်းလမ်းများလည်းရှိနေပါသည်။ ပြည်သူ့ကာကွယ်ရေးတပ်ဖွဲ့ဝင်များ ၊မြို့ပြပြောက်ကျားတပ်ဖွဲ့ဝင်များက ထိုနည်းလမ်းများ၊နည်းပညာများကို သိ့ရှိပြီးလက်တွေ့အသုံးချပါက ကိုယ့်ဘက်ကအားသာချက်ပင်ဖြစ်ကြောင်းလည်းနည်းပညာကျွမ်းကျင်သူတစ်ဦးကပြောသည်။ယခုအခါတွင်လည်း တော်လှန်ရေးသမားအားလုံးမဟုတ်တောင် အချို့ကထိုနည်းလမ်းများကို အသုံးပြုနေပြီဟုထသ်ကြောင်းလည်း ၎င်းက ဆက်ပြောသည်။
အကြမ်းဖက်အာဏာသိမ်းစစ်တပ်၏ နည်းမျိုးစုံအသုံးပြုနေသော်လည်းတော်လှန်ရေးအင်အားစုများသည် မလျှော့သောဇွဲနှင့် ဆက်လက်တော်လှန်နေသည်မှာ လေးစားဂုဏ်ယူထိုက်သည်ဟု အငြိမ်းစားရဲထောက်လှမ်းရေးအရာရှိဟောင်းက ဖွင့်ဟသည်။
“တော်လှန်ရေးအင်အားစုတွေကိုအထူးမှာချင်တာကမြေပြင်အခက်ခဲကိုအားလုံးကနားလည်ပါတယ်။ဒါပေမယ့်တောင့်ခံပြီးမကြာတော့တဲ့အချိန်တစ်ခုကိုခွေးဆွဲမခံရဖို့ဦးစားပေးနေပေးပါ။ခင်ဗျားတို့ဟာကျွန်တော်တို့ရဲ့ အင်အားတွေပါလို့ပြောပါရစေ”ဟု ၎င်းက ပြောလေသည်။
