“ဒီတော်လှန်ရေးအပေါ်မှာ လူထုက ဘာမျှော်လင့်လဲဆိုတာ ကျွန်မတို ကောင်းကောင်းသိတယ်။ စနစ် ပြောင်းတာကို လိုချင်တာ။ စစ်တပ် နိုင်ငံရေးက ထွက်သွားတာကို လိုချင်တယ်”

NUG နိုင်ငံခြားရေးဝန်ကြီး ဒေါ်ဇင်မာအောင်နှင့်မေးမြန်းခန်း

သော်မွန်/People’s Spring

တော်လှန်ရေးကာလ ၄နှစ်ကျော်အတွင်း အာဆီယံအလှည့်ကျဥက္ကဋ္ဌ မလေးရှားဝန်ကြီးချုပ်က အမျိုးသားညီညွတ်ရေးအစိုးရ NUG ရဲ့ ပြည်ထောင်စုဝန်ကြီးချုပ်ကို ပထမဆုံးအကြိမ် လူသိရှင်ကြား ဆွေးနွေးမှုပြုလုပ်ခဲ့ပါတယ်။

မလေးရှားဝန်ကြီးချုပ်အန်ဝါအီဘရာဟင်မ်ဟာ ဧပြီ ၁၇ရက်မှာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိင်နဲ့ ထိုင်းနိုင်ငံ၊ ဘန်ကောက်မြိုမှာ လူချင်းတွေ့ဆုံခဲ့ပြီး ငလျင်ဘေးသင့် မြန်မာပြည်သူတွေကို လူသားချင်းစာနာမှုအကူအညီတွေပေးဖိုနဲ့ မြန်မာ့ပဋိပက္ခဖြေရှင်းနိုင်ဖို ဆွေးနွေးခဲ့ပါတယ်။

Public Service Announcement

နောက်တရက် ဧပြီ ၁၈ရက်မှာ မလေးရှားဝန်ကြီးချုပ်က NUG ဝန်ကြီးချုပ်ခေါင်းဆောင်တဲ့ NUG အစိုးရ တာဝန်ရှိသူတွေနဲ့ အွန်လိုင်း(Teleconference)မှတဆင့် တွေ့ဆုံဆွေးနွေးခဲ့ပါတယ်။

တကယ်တော့ အွန်လိုင်းကတွေ့ဆုံဖိုထက် လူချင်းတွေ့ဆုံဖို ပထမစီစဥ်ခဲ့တယ်လို အဲဒီဆွေးနွေးပွဲကို တက်ရောက်ခဲ့သူ NUG နိုင်ငံခြားရေးဝန်ကြီး ဒေါ်ဇင်မာအောင်က ပြောပါတယ်။

ဆွေးနွေးပွဲနဲ့ပတ်သက်လို မလေးရှားဝန်ကြီးချုပ်က အပြုသဘောဆောင်တယ်လို အသိပေးထားသလို NUG နိုင်ငံခြားရေးဝန်ကြီးကလည်း ကောင်းမွန်တဲ့အစပြုမှုအဖြစ် ရှုမြင်ပါတယ်။

စစ်အာဏာသိမ်းမှုကို တရားဝင်မှု မပေးဖို၊ စစ်ကောင်စီကို တရားဝင်မှု မပေးဖို လိုအပ်တယ်ဆိုတာ NUG ရဲ့ ရပ်တည်ချက်ဖြစ်တယ်လို ဝန်ကြီးဒေါ်ဇင်မာအောင်က အခု People’s Spring နဲ့မေးမြန်းခန်းမှာ ထည့်သွင်းပြောကြားပါတယ်။

မလေးရှားဝန်ကြီးချုပ်နဲ့တွေ့ဆုံခဲ့မှု နောက်ဆက်တွဲအခြေအနေတွေကို People’s Spring က NUG နိုင်ငံခြားရေးဝန်ကြီး ဒေါ်ဇင်မာအောင်ကို ဆက်သွယ်မေးမြန်းထားပါတယ်။