ပုသိမ်ဆေးရုံအုပ်ကြီး ပင်းတယ မီးအိမ်ရှင် ဒေါက်တာ သန်းမင်းထွဋ်ကို ဧပြီလ ၂၁ ရက်က ပုသိမ်ထောင်မှာ စတုတ္ထအကြိမ် ရုံးထုတ်ခဲ့တယ်လို့ သိရပါတယ်။
ပုသိမ်မြို့နယ် ရဲတပ်ဖွဲ့မှူး ရဲမှူးတင်လှိုင်က တရားလိုအဖြစ် ဥပဒေ ၅၀၅-က နဲ့ အမှုဖွင့် ဖမ်းဆီးထားတာဖြစ်ပါတယ်။
လာမယ့် မေလ ၅ ရက်ကို ရုံးချိန်းထပ်ချိန်းဆိုထားပြီးတရားလို မြို့နယ်ရဲမှူး အပါ ၃ ဦးကို စတင် စစ်ဆေးသွားမယ်လို့ သိရတဲ့အကြောင်း ဆရာသန်းမင်းထွဋ်ရဲ့ ဖေ့စ်ဘွတ်စာမျက်နှာ Admin က အသိပေးထားပါတယ်။
လက်ရှိ အချိန်အထိ မိသားစုနဲ့ တွေ့ဆုံခွင့် မရရှိသေးပေမယ့် ဒေါက်တာသန်းမင်းထွဋ် ကျန်းကျန်းမာမာ ရှိတယ်လို့ သိရကြောင်းရေးသားထားပါတယ်။
ဆရာသန်းမင်းထွဋ်ကို မတ်လ ၁၂ ရက်က ဖမ်းဆီးခဲ့တာဖြစ်ပါတယ်။
