ပင်းတယမီးအိမ်ရှင်လို့ လူသိများတဲ့ဆရာကြီးဒေါက်တာသန်းမင်းထွဋ်အပါအဝင် ဧရာဝတီတိုင်းဒေသကြီးက CDM ဝန်ထမ်းအချို့ကို အမှုကဖြေလျှော့ပြီး ဖမ်းဆီးထားရာကပြန်လွှတ်ပေးမယ်လို့ သတင်းတွေထွက်နေပါတယ်။
ပြန်လွှတ်မယ်လို့ သတင်းထွက်တဲ့လူစာရင်းထဲမှာ ဆရာ ဝန် သူနာပြုနဲ့ ဌာနဆိုင်ရာဝန်ထမ်းတွေအပြင် ရပ်ကျေးအုပ်ချုပ်ရေးမှူးတွေလည်းပါဝင်ပြီး အားလုံး ၂၇ ဦးကို လွှတ်ပေးမှာဖြစ်တယ်လို့ လူမှုကွန်ရက်မှာပြန့်နှံ့နေတဲ့ စစ်ကောင်စီလက်အောက်ခံ ပြည်ထဲရေးဝန်ကြီးဌာနကထုတ်ပြန်တဲ့စာမှာ ဖော်ပြထားပါတယ်။
ထုတ်ပြန်စာမှာဖော်ပြချက်အရ ပြန်လွှတ်မဲ့စာရင်းထဲပါသူအများစုဟာ ပုဒ်မ ၅၀၅(က)နဲ့ တရားစွဲဆိုဖမ်းဆီးခံထားရသူအများစုဖြစ်ပြီး သြဂုတ် ၂ ရက်နေ့မှာ ပြန်လွှတ်ပေးမယ့်လို့ ဆိုပါတယ်။
ပြန်လွှတ်ပေးမယ်လို့ သတင်းထွက်နေသူတွေထဲမှာ ဆေးရုံအုပ် သူနာပြု ဓာတ်ခွဲကျွမ်းကျင် ဌာနမှူး အလယ် တန်းပြ ကျောင်းအုပ် ရပ်ကျေးအုပ်ချုပ်ရေးမှူး စတဲ့ရာထူးတာဝန်ထမ်းဆောင်ခဲ့သူတွေပါဝင်ပြီး ပြန်ထဲရေးဌာနရဲ့ထုတ်ပြန်ချက်မှာ ရဲချုပ်ကိုယ်စား ရဲမှူးကြီးကျော်လင်းဆိုသူက လက်မှတ်ရေးထိုးထားပါတယ်။
Public Service Announcement
