ငွေထုတ်သူတွေများနေတဲ့အတွက် ပုဂ္ဂလိကဘဏ်အချို့မှာ ငွေထုတ်ပေးတာကို ဒီအပါတ်ကစပြီးလျှော့ချလိုက်ပါတယ်။
ဗဟိုဘဏ်က တစ်ဦးချင်းငွေထုတ်ယူရင် တစ်ပါတ်လျှင်ကျပ်သိန်း ၂၀ ၊ ကုမ္ပဏီလုပ်ငန်းမှာတစ်ပါတ်လျှင် သိန်း ၂၀၀ နဲ့ ATM စက်တွေက တစ်ရက် ၅ သိန်းစီထုတ်ပေးရမယ်လို့ ကြေညာထားပေမယ့် ဘဏ်အချို့က အဲဒီနှုန်းကိုထုတ်မပေးနိုင်တော့ပါဘူး။
AGD ဘက်ကတစ်ဦးချင်းစုငွေမှ ငွေထုတ်ယူခြင်း – တစ်ပါတ်လျှင် ငွေကျပ် သိန်း ၁၀ ၊လုပ်ငန်းသုံးစာအုပ်မှ ငွေထုတ်ယူခြင်း – တစ်ပါတ်လျှင် ငွေကျပ် သိန်း ၁၀၀ နှင့် ATM မှတဆင့် ငွေထုတ်ယူခြင်း – တစ်ရက်လျှင် ငွေကျပ် ၁.၅ သိန်း သာထုတ်ပေးတော့မယ်လို့ ဧပြီ ၂၁ ရက်မှာတရာဝင်ကြေညာပါတယ်။
ကျန်ဘဏ်အချို့လည်း ငွေထုတ်ပေးတဲ့နှုန်းတွေကို အလားတူလျှော့ချနေသလို၊ အချို့ ဘဏ်တွေက ရှေ့အပါတ်က စတင်လျှော့တော့မယ်လို့ ပြောကြောင်း CB ဘဏ်ကငွေထုတ်ခဲ့သူက CB ဘဏ်ဝန်ထမ်းပြောပြတာကိုပြန်ပြောပြပါတယ်။
Public Service Announcement
ဘဏ်တွေမှာငွေထုတ်သူများနေတာကြောင့် ငွေထုတ်ပေးတဲ့ပမာဏကို ထပ်ခါ၊ ထပ်ခါလျှော့လာသလို ငွေထုတ်ခွင့်ရဖို့ တိုကင်ရဖို့၊ ATM စက်ထဲက ငွေထုတ်ဖို့အတွက်လည်း နာရီပေါင်းစွာစောင့်ဆိုင်းရပြီးအခက်အခဲတွေရှိတယ်လို့ငွေထုတ်သူတွေကပြောပါတယ် ။
