အာဏာသိမ်းစစ်ကောင်စီ၏ တပ်ဖွဲ့ဝင်တွေက ပစ်ခတ်သတ်ဖြတ်မှုတွေကြောင့်စစ်အာဏာသိမ်းပြီး ၈၀ ရက်အကြာမှာ ကျဆုံးတဲ့ပြည်သူ ၇၃၉ ဦးရှိပြီလို့ နိုင်ငံရေးအကျဥ်းသားများကူညီစောင့်ရှောက်ရေအသင်း(AAPP)က ဧပြီ ၂၁ ရက်ညကထုတ်ပြန်ပါတယ် ။
ဒီအရေအတွက်က AAPP သတင်းရရှိတဲ့အရေအတွက်သာဖြစ်ပြီးကျဆုံးသွားပေမယ့် စာရင်းမရရှိသူတွေ ၊အသတ်ခံရပြီးအလောင်းဖျောက်၊စာရင်းဖျောက်ခံရ
သူတွေလည်းရှိတဲ့အတွက် အမှန်တစ်ကယ်သေဆုံးသူစာရင်းကအဲထက်ပိုနိုင်ပါတယ်။
ဧပြီ ၂၁ ရက်မှာ AAPP ထပ်မံရရှိတဲ့စာရင်းအရ မြောင် မြို့နယ်ကအပြစ်မဲ့ပြည်သူ၁ ဦး ကျဆုံးခဲ့တဲ့အချက်အလက်တွေ ထက်ရခဲ့ပြီး ဧပြီ ၂၁ ရက် ညနေ ၆ နာရီအထိရရှိတဲ့စာရင်းအရ ၇၃၉ ဦးရှိပြီလို့ ဆိုပါတယ်။
ဒါပေမယ့်ဒီစာရင်းမှာ မုံရွာမြို့မှာ ဧပြီ ၁၇ ရက်မှာစစ်ကောင်စီတပ်ဖွဲ့ဝင်တွေက ဖမ်းဆီးထားတဲ့ပြည်သူတွေကို သတ်ဖြတ်ပြီးအလောင်း နှစ်လောင်းဆေးရုံကိုလာပို့သွားတာရယ် ၊ ယင်းမာပင်မြို့နယ်မှာ ဧပြီ ၁၅ ရက်ညမှာ ဆန္ဒပြနေတဲ့ပြည်သူတွေကို စစ်ကောင်စီတပ်ဖွဲ့ဝင်တွေက အကြမ်းဖက်ဖြိုခွင်လို့ ပြည်သူ ၆ ဦးသေဆုံးတဲ့စာရင်းရယ် ၊ ဧပြီ ၁၈ ရက်မှာ မြင်းခြံသပိတ်ကို အကြမ်းဖက်တပ်ဖွဲ့ဝင်တွေက လာရောက်ဖြိုခွင်းတာမှာ ကျဆုံးသူအရေအတွက်တွေရယ် ၊ ယင်းမာပင် မြို့နယ် မှာ ဧပြီ ၂၀ ရက်က စစ်ကောင်စီတပ်ဖွဲ့ဝင်တွေက တိုက်ပွဲသုံးလက်နက်ကြီးတွေကိုပါအသုံးပြုပစ်ခတ်ခဲ့လို့ ပြည်သူ၁၀ ဦးသေတာ စတာတွေ ပါဝင်တာမတွေ့ရသေးပါဘူး ။ ယင်းမာပင် ဖြစ်စဥ်မှာ အနည်းဆုံး ပြည်သူ ၆ ဦးသေဆုံးပြီး အနည်းဆုံး ၁၅ ဦးဖမ်းဆီးခံခဲ့ရတယ်လို့ Myanmar Now သတင်းဌာနကဖော်ပြထားပါတယ် ။ ဧပြီ ၂၀ ရက်က ယင်းမာပင်မြို့နယ်ကကျေးရွာတွေမှာ စစ်ကောင်စီတပ်ဖွဲ့ဝင်တွေက လက်နက်ကြီးတွေနဲ့ ပစ်ခတ်သတ်ဖြတ်လို့ ပြည်သူ ၁၀ ဦးသေဆုံးခဲ့တယ်လို့ BBC မြန်မာပိုင်းကသတင်းဖော်ပြခဲ့ပါတယ်။
စစ်အုပ်စုက အာဏာသိမ်းပြီး ၈၀ ရက်(ဧပြီ ၂၁ အထိ့) အတွင်းမှာ ဖမ်းဆီးခံရတဲ့ပြည်သူ ၄၃၆၁ ဦးအထိ့ရှိခဲ့သလို ၊အခုချိန်ထိ့ဖမ်းဆီးချုပ်နှောင်ခံရသူ ၃၃၃၁ ဦးရှိသလို ၊ဖမ်းဝရမ်းထုတ်ခံရသူ ၁၀၅၉ ဦးရှိတယ်လို့ AAPP ကဆိုပါတယ်။