ဒီအရေအတွက်က AAPP သတင်းရရှိတဲ့အရေအတွက်သာဖြစ်ပြီးကျဆုံးသွားပေမယ့် စာရင်းမရရှိသူတွေ ၊အသတ်ခံရပြီးအလောင်းဖျောက်၊စာရင်းဖျောက်ခံရ သူတွေလည်း ရှိတဲ့အတွက် အမှန်တစ်ကယ်သေဆုံးသူစာရင်းကအဲထက်ပိုနိုင်ပါတယ်။
AAPP ထပ်မံရရှိတဲ့စာရင်းအရ နေပြည်တော် ပျဥ်းမနားမြို့က အပြစ်မဲ့ပြည်သူ၁ ဦး နှင့်ယခင်ရက်က ကျဆုံးခဲ့သော လွိင်ကော် ၊ပြည် မြို့ တို့မှ က ကျဆုံးခဲ့တဲ့ပြည်သူ နှစ်ဦး၏အချက်အလက်တွေ ထက်ရခဲ့ပြီး ဧပြီ ၂၄ရက် အထိရရှိတဲ့စာရင်းအရ ၇၄၈ ဦးရှိပြီလို့ ဆိုပါတယ်။
ဒါပေမယ့်ဒီစာရင်းမှာ မုံရွာမြို့မှာ ဧပြီ ၁၇ ရက်မှာစစ်ကောင်စီတပ်ဖွဲ့ဝင်တွေက ဖမ်းဆီးထားတဲ့ပြည်သူတွေကို သတ်ဖြတ်ပြီးအလောင်း နှစ်လောင်းဆေးရုံကိုလာပို့သွားတာရယ် ၊ ယင်းမာပင်မြို့နယ်မှာ ဧပြီ ၁၅ ရက်ညမှာ ဆန္ဒပြနေတဲ့ပြည်သူတွေကို စစ်ကောင်စီတပ်ဖွဲ့ဝင်တွေက အကြမ်းဖက်ဖြိုခွင်လို့ ပြည်သူ ၆ ဦးသေဆုံးတဲ့စာရင်းရယ် ၊ ဧပြီ ၁၈ ရက်မှာ မြင်းခြံသပိတ်ကို အကြမ်းဖက်တပ်ဖွဲ့ဝင်တွေက လာရောက်ဖြိုခွင်းတာမှာ ကျဆုံးသူအရေအတွက်တွေရယ် ၊ ယင်းမာပင် မြို့နယ် မှာ ဧပြီ ၂၀ ရက်က စစ်ကောင်စီတပ်ဖွဲ့ဝင်တွေက တိုက်ပွဲသုံးလက်နက်ကြီးတွေကိုပါအသုံးပြုပစ်ခတ်ခဲ့လို့ ပြည်သူ ၁၀ ဦးထပ်မံသေတာ စတာတွေ ပါဝင်တာမတွေ့ရသေးပါဘူး ။ ယင်းမာပင် ဖြစ်စဥ်မှာ အနည်းဆုံး ပြည်သူ ၆ ဦးသေဆုံးပြီး အနည်းဆုံး ၁၅ ဦးဖမ်းဆီးခံခဲ့ရတယ်လို့ Myanmar Now သတင်းဌာနကဖော်ပြထားပါတယ် ။ ဧပြီ ၂၀ ရက်က ယင်းမာပင်မြို့နယ်ကကျေးရွာတွေမှာ စစ်ကောင်စီတပ်ဖွဲ့ဝင်တွေက လက်နက်ကြီးတွေနဲ့ ပစ်ခတ်သတ်ဖြတ်လို့ ပြည်သူ ၁၀ ဦးသေဆုံးခဲ့တယ်လို့ BBC မြန်မာပိုင်းကသတင်းဖော်ပြခဲ့ပါတယ်။
စစ်အုပ်စုက အာဏာသိမ်းပြီး ၈၄ ရက်(ဧပြီ ၂၄ အထိ့) အတွင်းမှာ ဖမ်းဆီးခံရတဲ့ပြည်သူ ၄၄၂၉ ဦးအထိ့ရှိခဲ့သလို ၊အခုချိန်ထိ့ဖမ်းဆီးချုပ်နှောင်ခံရသူ ၃၃၈၉ ဦးရှိသလို ၊ဖမ်းဝရမ်းထုတ်ခံရသူ ၁၁၃၈ ဦးရှိတယ်လို့ AAPP ကဆိုပါတယ်။
Public Service Announcement
