Connect with us

Hi, what are you looking for?

LuduNwayOo

News

စစ်ဆင်ရေးတွေ နယ်ကျော်မလာဖို့ မြန်မာစစ်တပ်ကို ထိုင်းသတိပေး

ထိုင်းပိုင်နက်ကို ကျော်လွန်ပြီး ပစ်ခတ်တာမျိုး မဖြစ်အောင် ထိန်းသိမ်းဖို့ မြန်မာစစ်တပ်ကို ထိုင်းက သတိပေး တောင်းဆိုလိုက်ပါတယ်။

Photo: Salween Press

ထိုင်းမြေပေါ်မှာ မြန်မာစစ်တပ်ရဲ့ စစ်ဆင်ရေးတွေ နယ်ကျော် လုပ်ဆောင်တာမျိုးကို ရှောင်ရှားဖို့၊ လက်နက်ကြီး ကျည်ဆန်တွေ နယ်ကျော် ကျရောက်တာမျိုး မဖြစ်အောင် ထိန်းသိမ်းဖို့ တရားဝင် စာပေးပို့သွားမယ်လို့ ထိုင်းစစ်တပ်က ထုတ်ပြန်ပါတယ်။

Photo: Salween Press

မေ ၂၀ မှာ မြန်မာ စစ်တပ် ပစ်ခတ်တဲ့ မော်တာကျည် သုံးလုံး ထိုင်းပိုင်နက်ထဲ ကျရောက်ခဲ့တဲ့ ဖြစ်စဉ်အပြီး အခုလို တောင်းဆိုဖို့ စီစဉ်လာတာဖြစ်ကြောင်း နယ်စပ်လုံခြုံရေး ကဏ္ဍကို တာဝန်ယူထားတဲ့ ထိုင်းစစ်ဘက် အရာရှိ တစ်ဦးက Bangkok Post သတင်းစာကို ပြောကြားခဲ့ပါတယ်။

Photo: Salween Press

ထိုင်းဖက်ကို နယ်ကျော်လာတဲ့ စစ်ဆင်ရေးတွေကြောင့် မီးခိုးဗုံးတစ်လုံး ပစ်ပြီး အချက်ပြ သတိပေးခဲ့ကြောင်း၊ အဲဒီကျမှ ပစ်ခတ်မှုတွေ ရပ်ဆိုင်းသွားကြောင်း ထိုင်းစစ်တပ် ပြောရေးဆိုခွင့်ရ အရာရှိ ဗိုလ်မှူးချုပ် အပီချက် ဆူဆက်က ပြောကြားသွားပါတယ်။