Connect with us

Hi, what are you looking for?

LuduNwayOo

News

ဒီးမော့ဆိုမြို့နယ်ရှိ စစ်ကောင်စီတပ်၏ ဒေါတဝီဂိတ်ကို PDF ထပ်မံသိမ်းပိုက်

ကယားပြည်နယ် ဒီးမော့ဆိုမြို့နယ်ရှိ အာဏာသိမ်းစစ်ကောင်စီ၏ ဂိတ်စခန်း ဒေါတဝီဂိတ်ကို ဒေသခံပြည်သူ့ကာကွယ်ရေးတပ်(PDF) ကယနေ့ မွန်းလွဲပိုင်းတွင် ထပ်မံသိမ်းပိုက်ခဲ့သည်။

ပြည်သူ့ကာကွယ်ရေးတပ်နှင့် စစ်ကောင်စီတို့သည် မေလ ၂၁ရက်တွင် ဒီးမော့ဆိုမြို့နှင့်အနီးတ၀ိုက်တွင် တိုက်ပွဲများ စတင်ဖြစ်ပွားခဲ့ရာ ယမန်နေ့တွင် စစ်ကောင်စီတပ်၏ ထူလွီးဘီလာဂိတ်ကို သိမ်းပိုက်ပြီး မီးရှို့ဖျက်ဆီးခဲ့သည်။

“ဒီနေ့ကတော့ အပြန်အလှန် ထိတွေ့တိုက်ပွဲဖြစ်တာတော့ နည်းတယ်။ ဒေါတဝီဂိတ်တစ်ခုတည်းပဲ ပြန်ပြီးတော့ နောက်ထပ်တစ်ခါ ပြန်သိမ်းလိုက်တယ်။ ထိခိုက်ဒဏ်ရာကတော့ မနက်ပိုင်းအစောပိုင်း ဆိုင်ကယ်စီးတဲ့သူတွေကို သူတို့ ပစ်တာတော့ရှိတယ်။ မြို့ပေါ်ကတော့ ပုံမှန်အတိုင်း သူတို့ ကင်းလှည့်တာမျိုးပဲလုပ်တာပေါ့။ တစ်ဖက်နဲ့ တစ်ဖက် စောင့်ကြည့် နေတဲ့သဘောပဲ” ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။

ယနေ့ နံနက်ပိုင်းက ဆိုင်ကယ်စီးလာသည့် ဒေသခံသုံးဦးကို စစ်ကောင်စီတပ်က ပစ်ခတ်ခဲ့၍ ၂ဦးသေဆုံးပြီး ၁ဦး ဒဏ်ရာရရှိခဲ့ကြောင်း ၎င်းက ဆိုသည်။
ယမန်နေ့က ဖြစ်ပွားသည့် တိုက်ပွဲကြောင့် ဒီးမော့ဆိုမြို့နှင့် အနီးတစ်၀ိုက်ကျေးရွာများမှ ဒေသခံ တစ်သောင်းကျော် စစ်ဘေးတိမ်းရှောင်နေရကြောင်း ဒေသခံ တိုင်းရင်းသားလက်နက်ကိုင်အဖွဲ့တစ်ခုဖြစ်သည့် ကရင်နီအမျိုးသားတိုးတက်ရေးပါတီ(KNPP) တာဝန်ရှိသူတစ်ဦးက ပြောသည်။

“ တိုက်ပွဲကြောင့် ရှောင်နေရတဲ့ လူထုတွေက တစ်သောင်းကျော်သွားတယ်ပြောတယ်။ တစ်ခါမှလည်း ဒီလိုဖြစ်စဉ်လည်းမဖြစ်ဖူးတော့ကြောက်လန့်ပြီးတော့ ရရာရိက္ခာ ယူပြီးတော့မှ နီးစပ်ရာတောထဲမှာ သွားပြေးပုန်းတာပေါ့။ တချို့ကတော့ ဆွေမျိုးတွေရှိရာကို သွားပြီးတော့ မှီခိုနေရတာပေါ့။ သူတို့နေရာ နှစ်နေရာကွဲသွားတယ်ပြောတယ် လမ်းမကြီးရဲ့ အရှေ့ဘက်ခြမ်းနဲ့ အနောက်ဘက်ခြမ်းပေါ့” ဟု ၎င်းက ဆိုသည်။

Public Service Announcement

Public Service Announcement

KNPPနှင့် စစ်ကောင်စီတပ်တို့သည်လည်း မေလ ၂၀ရက်တွင် ဘောလခဲမြို့နယ်အတွင်း၌ တိုက်ပွဲဖြစ်ပွားခဲ့သည်။ စစ်သင်တန်းပေးသည့်နေရာတစ်ခုဖြစ်သော KNPP၏ လူငယ်လေ့ကျင့်ရေးကွင်းအား စစ်ကောင်စီက လာရောက်တိုက်ခိုက်ရာ လမ်းခရီးတွင် ကြားဖြတ်တိုက်ခိုက်ခံရခြင်းဖြစ်သည်။

စစ်တပ်အာဏာသိမ်းပြီးနောက် ကယားပြည်နယ်တွင် ငြိမ်းချမ်းစွာဖြင့် စစ်အာဏာရှင်ဆန့်ကျင်ရေးလူထုလှုပ်ရှားမှုများ စဉ်ဆက်မပြတ်ပြုလုပ်ခဲ့ရာ စစ်ကောင်စီက အကြမ်းဖက်ဖိနှိပ်နှိမ်နင်းခဲ့၍ ဒေသခံများက ရရာလက်နက်စွဲကိုင်ခုခံခဲ့ခြင်းဖြစ်သည်။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဆယ်ဇင်းဒေသခံတစ်ဦးကလည်း “လေကြောင်းကတော့ မနေ့က တောက်လျှောက် လာတယ်။ ညကလာတော့ လာတယ် ဝဲတော့ ဝဲတယ်"ဟုပြောသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။