ကယားပြည်နယ်ထဲက ဘုရားကျောင်းတွေအားလုံး အလံဖြူထောင်ထားရ

လွိုင်ကော်က ကက်သလစ်ဘုရားကျောင်းကို အကြမ်းဖက်စစ်ကောင်စီတပ်က လက်နက်ကြီးနဲ့ ပစ်ခတ်လို့ အရပ်သားပြည်သူ ၄ ဦး သေဆုံးပြီး ၅ ဦးထက်မနည်း ထိခိုက်ဒဏ်ရာရရှိခဲ့ပါတယ်။

ဖယ်ခုံမြို့မှာရှိတဲ့ ရွှေနှလုံးတော်ဘုရားကျောင်းကိုလည်း အကြမ်းဖက်စစ်ကောင်စီတပ်တွေက လက်နက်ကြီးနဲ့ထုလို့ ဘုရားကျောင်း မှန်တွေနဲ့ ပျက်စီးမှုတွေရှိတယ်လို့လည်း ဒေသခံတစ်ဦးက ဓာတ်ပုံတွေနဲ့ လူမှုကွန်ရက်မှာတင်ထားပါတယ်။

စစ်ကောင်စီတပ်ကနေ လက်နက်ကြီးနဲ့ ပစ်ခတ်မှုတွေကြောင့် ကယားပြည်နယ်ထဲက ဘုရားကျောင်းတွေမှာ သက်ကြီးရွယ်အိုတွေ ကလေးငယ်တွေနဲ့ နာမကျန်းဖြစ်သူတွေအပါအဝင် ဒေသခံပြည်သူတွေဟာ သွားရောက်ခိုလှုံနေကြတာဖြစ်ပါတယ်။

မေ ၂၃ ရက် ညပိုင်းကနေ ဒီကနေ့မနက် ၃ နာရီအတွင်း ကယန်းသာယာကျေးရွာထဲကို စစ်ကောင်စီတပ်ဖက်က လက်နက်ကြီး အချက်ပေါင်းများစွာ ပစ်ခတ်ခဲ့တယ်လို့ ဒေသခံတစ်ဦးက ပြောပါတယ်။

Public Service Announcement

ကယားပြည်နယ်မှာ ဒေသခံပြည်သူ့ကာကွယ်ရေးတပ် PDF နဲ့ အာဏာသိမ်းစစ်ကောင်စီတပ်တို့ အပြန်အလှန်ပစ်ခတ်မှုတွေ ဖြစ်နေတောဖြစ်ပါတယ်။