Connect with us

Hi, what are you looking for?

LuduNwayOo

News

ကိုဗစ်ရောဂါဖြစ်သူများခြင်းမှာ စစ်ကောင်စီမှ နိုင်ငံရေးအမြတ်ထုတ်ခြင်းကြောင့်ဟု NUGယာယီသမ္မတပြော

“ကျွန်တော်တို့အစိုးရမှလည်း ပြည်သူလူထုနဲ့ လက်တွဲပြီး ဤရောဂါဆိုးကိုရော ပြည်သူလူထုကို ညှင်းပန်းနှိပ်စက် တိုင်းပြည်အာဏာမတရားယူထားတဲ့စစ်အာဏာရှင် ပြုတ်ကျရေးကိုပါ ကိုယ်အား ဉာဏ်အားရှိသမျှ ဆက်လက်လုပ်ဆောင်သွားပါမယ်” ဟု ယာယီသမ္မတက ပြောကြားသည်။

မြန်မာနိုင်ငံတွင် COVID-19 ကပ်ရောဂါဖြစ်ပွားမှု အရှိန်အဟုန်မြင့်လာခြင်းမျာ စစ်ကောင်စီက ရောဂါဖြစ်ပွားမှုအပေါ် နိုင်ငံရေအမြတ်ထုတ်မှု၊ ရောဂါနှိမ်နင်းရေး အတွက် မကျွမ်းကျင်မှု၊ ပြည်သူများကို စေတနာမရှိမှု တို့ကြောင့် ဖြစ်သည်ဟု အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလက ယနေ့ပြောကြားသည်။

ယာယီသမ္မတ ဒူဝါလရှီးလ၏ COVID 19 ရောဂါကာကွယ်ထိန်းချုပ်နိုင်ရေး ပြောကြားချက်ကို NUGက ယနေ့ညပိုင်းတွင် ထုတ်ပြန်ခဲ့သည်။

“ယခုအခါ ကျွန်တော်တို့ မြန်မာနိုင်ငံမှာ ကိုဗစ် ၁၉ ရောဂါဖြစ်ပွားမှုဟာအရှိန်အဟုန်မြင့်တက်လာတာကို တွေ့ရတဲ့အတွက်များစွာ စိတ်ပူပန်မိပါတယ်။ စစ်ကောင်စီမှလည်း ကိုဗစ် ၁၉ရောဂါဖြစ်ပွားမှုအပေါ် နိုင်ငံရေးအမြတ်ထုတ်မှု၊ ရောဂါနှိမ်နင်းရေး အတွက် ကျွမ်းကျင်မှုမရှိမှု၊ အများပြည်သူကို စေတနာမရှိမှု စသည်တို့ကြောင့်ဖြစ်ပါတယ်” ဟု ယာယီသမ္မတက ပြောသည်။

ပြည်သူလူထု၏ ကျန်းမာရေးသည် NUG အစိုးရ အလေးထားဆုံး ထိပ်ဆုံးက အချက်တစ်ခုဖြစ်သည်ဟု ၎င်း ကဆိုသည်။

“အထူးသဖြင့် ယခုလိုတော်လှန်ရေးကာလမှာ ပြည်သူ့အားနဲ့ ပြည်သူများအသိနဲ့ ဒီကပ်ရောဂါကြီးကို ထိန်းသိမ်းဖို့ ကအရေးအကြီးဆုံးဖြစ်ပါတယ်။ ပြည်သူက စည်းလုံးကြပါတယ်။အသိဉာဏ်ကြီးပါတယ်။ မှန်ကန်တာလုပ်သင့်လုပ်ထိုက်တာ ကို အမြဲလုပ်ကြပါတယ်။ လုပ်နေမြဲ လုပ်ရမယ့် အလုပ်တွေကို စနစ်တကျနဲ့ သတိကြီးစွာ လုပ်ရဖို့ အင်မတန်အရေးကြီးတဲ့အတွက် ကျွန်တော့်အနေနဲ့ ပြည်သူလူထုကြီးကိုအနည်းငယ် ထပ်ပြီးသတိပေးလိုပါတယ်” ဟု ယာယီသမ္မတက ပြောသည်။

ယာယီသမ္မတ ပြောကြားသည့် ရောဂါကာကွယ်ရေးဆိုင်ရာအချက်များမှာ Maskကို သတိတရဖြင့် အချိန်ပြည့် စနစ်တကျ တပ်ဆင်ရန် ၊လက်ဆေးရန်၊ တစ်ဦးနှင့်တစ်ဦး ၆ပေခွာနေရန်၊ လူစုလူဝေးရှောင်ကျဉ်ရန်၊ အိမ်နှင့် ရုံးအဆောက်အဦးရှိ အထိအတွေ့များသည့်နေရာများကို သတ်မှတ်ပိုးသတ်ဆေးဖြင့် သန့်ရှင်းရေးလုပ်ရန်၊တစ်ဦးနှင့်တစ်ဦး သတိပေးရန် အချက်များ ဖြစ်သည်။

“ကျွန်တော်တို့အစိုးရမှလည်း ပြည်သူလူထုနဲ့ လက်တွဲပြီး ဤရောဂါဆိုးကိုရော ပြည်သူလူထုကို ညှင်းပန်းနှိပ်စက် တိုင်းပြည်အာဏာမတရားယူထားတဲ့စစ်အာဏာရှင် ပြုတ်ကျရေးကိုပါ ကိုယ်အား ဉာဏ်အားရှိသမျှ ဆက်လက်လုပ်ဆောင်သွားပါမယ်” ဟု ယာယီသမ္မတက ပြောကြားသည်။

You May Also Like

သတင်း

စစ်ကြောင်းထိုးလာသည့် စစ်ကောင်စီတပ်ကို ဖေဖော်ဝါရီ ၄ ရက် ည ၁၀ နာရီခွဲခန့်တွင်ဖယ်ခုံ PDF တပ် ရင်း( ၂ )၊ ကရင်နီအမျိုးသားများကာကွယ်ရေးတပ်-KNDF တပ်ရင်း (၃) နှင့် URF တို့ ပူးပေါင်းခုခံတိုက်ခိုက်ခဲ့သည်။

သတင်း

KIA တပ်မဟာ(၈)နယ်မြေသို့ စစ်ကောင်စီတပ် ဗုံးကြဲတိုက်ခိုက်မှု၊ မြင်းမူရှိ စစ်ကောင်စီတပ်စခန်းကိုPDF များကတိုက်ခိုက်မီးရှို့မှု၊ ဟုမ္မလင်းဒေသ တိုက်ပွဲသတင်းများကို KIA သတင်းဌာန က ဖော်ပြခဲ့ခြင်းဖြစ်သည်။

သတင်း

▪︎စစ်အုပ်ချုပ်ရေးကြေညာရမှုစစ်ကောင်စီအနေဖြင့်ထိန်းချုပ်နိုင်မှုများစွာအားနည်းကြောင်းဝန်ခံခြင်းဖြစ် ▪︎“ဒီမြို့နယ်တွေဆိုရင် စစ်ကောင်စီက သူ့တပ်ရှိတယ်ဆိုရင် တပ်ထဲက အပြင်တောင်မှ ထွက်ရဲတဲ့ မြို့နယ်တွေမဟုတ်တော့ဘူး” စစ်အာဏာရှင် တိုက်ဖျက်ရေး တစ်နှစ်တာ အစီအစဉ်အတိုင်း ဆက်လက် အကောင်အထည်ဖော်သွားမည်ဖြစ်ပြီး စစ်ဒေသအလိုက်လွတ်မြောက်ရေး၊ ထိုမှတဆင့် တစ်နိုင်ငံလုံးအတိုင်းအတာ လွတ်မြောက်ရေးကို ဆောင်ရွက်ရန် စီမံချက်ချထားကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီး ဦးရည်မွန်က ပြောသည်။...

သတင်း

ယနေ့(ဖေဖော်ဝါရီ ၅ရက်) ကျရောသည့် (၆၂)နှစ်မြောက် ကချင်တော်လှန်ရေးနေ့သို့ NUG ကာကွယ်ရေးက ဂုဏ်ပြု သဝဏ်လွှာပေးပို့ခဲ့ခြင်းဖြစ်သည်။