ကိုဗစ်​ကြောင့် သားအဖနှစ်ဦးတည်းရှိ​သောအိမ်တွင် ဖခင်​​​ရော ၊​စောင့်​ရှောက်​ပေး​နေ​သောသားပါ အတူ​သေဆုံး

ရန်ကုန်မြို့တွင် သားအဖနှစ်ဦးတည်း​နေ​​သောအိမ်တွင် ကိုဗစ်-၁၉ ​ရောဂါ​ကြောင့် ဖခင်ဖြစ်သူ​ရော ၊ဖခင်ကိုပြုစု​စောင့်​ရှောက်​ပေး​သော သားဖြစ်သူပါ တစ်ရက်တည်း ​ယ​နေ့​သေဆုံးခဲ့သည်။

ရန်ကုန်မြို့ ဒဂုံမြို့သစ်အ​ရှေ့ပိုင်းမြို့နယ် ၁၁ ရပ်ကွက် ၊ ဒုဠဝတီလမ်း ရှိ​နေအိမ်တွင်​ ​နေထိုင်​သော ဖခင်ဖြစ်သူ​ရော ၊သားဖြစ်သူပါ ကိုဗစ်-၁၉ ​ရောဂါဖြင့်ယ​နေ့​သေဆုံးခဲ့ခြင်းဖြစ်သည်။

“တစ်အိမ်ထဲမှာ သားအဖနှစ်​ယောက်တည်း ဖ​အေလုပ်သူက ကိုဗစ်ဖြစ်လို့ အသက်ရှုကြပ်​​နေတယ် သားက​စောင့်​ရှောက်​ပေးတယ် ။​စောင့်​ရှောက်​ပေးတဲ့သားလုပ်သူက ထိုင်​နေရင်းနဲ့ ငုတ်တုပ်​မေ့သွားပြီဗျာ ” ဟု အဆိုပါ သားအ​ဖ နှစ်ဦး၏ ရုပ်အ​လောင်းများကို ပြင်ဆင် ၊သယ်​ဆောင် ​ပေးခဲ့​သော လူမှုကူညီ​ရေးသမား ဦးမင်းဒင်က သူ၏ ​ဖေစ်ဘွတ်ခ်တွင် Live လွှင့်၍ ပြည်သူများကိုအသိ ပေးခဲ့သည်။

အဆိုပါ သားအဖနှစ်ဦးမှာ တစ်ထပ်လုံးချင်းတိုက်တွင်​နေထိုင်ကြပြီး ဖခင်ဖြစ်သူမှာ အိပ်ခန်းအတွင်း အိပ်လျက်ကွယ်လွန်​နေသလို ၊သားဖြစ်သူမှာ အိမ်​ရှေ့ ခုံ​ပေါ်တွင် တင်ကုလိမ်ချိတ်ထိုင်လျက် Air Con Remote ကို ကိုင်လျက် ကွယ်လွန်​နေသည်ကို ဗီဒီယိုဖိုင်တွင်​တွေ့ရသည်။

Public Service Announcement

နေအိမ်အတွင်း နှာ​ခေါင်းစည်းများ ၊ကြက်ဥကတ်တစ်ကတ် ၊ Oximeter စသည်တို့ဖြင့် ကမ္ဘာ့ကပ်​ရောဂါကို သားအဖနှစ်ဦး ကြိုးစားရင်ဆိုင်သွားခဲ့သည်ကိုလည်း​တွေ့ရသည်။

ရန်ကုန်မြို့အပါအဝင် နိုင်ငံတစ်ဝန်း ကမ္ဘာ့ကပ်​ရောဂါ Covid-19 တတိယလှိုင်းဒဏ်ကို အာဏာသိမ်းစစ်​ကောင်စီ၏ ဖိနှိပ်မှုများကြား ရင်ဆိုင်​နေရကာ ​နေ့စဥ်ပြည်သူရာနှင့်ချီ​သေဆုံးလာသည်မှာ ရက်အနည်းငယ်ကြာလာပြီဖြစ်သည်။

တစ်အိမ်တည်းရှိသူအကုန် ပိုးကူးစက်ခံရမှု ၊မိသားစုဝင်များ ​သေဆုံးမှုများ ပိုမိုများပြားလာ​နေသည်။စစ်​ကောင်စီ၏လက်​အောက်ခံ ကျန်းမာ​ရေးဝန်ကြီးဌာနက ဇူလိုင် ၁၄ ရက်မှ ၁၅ရက် ည ၈ နာရီအထိ၂၄ နာရီအတွင်းပိုး​တွေ့လူနာ ၄၀၀၀​ကျော်ရှိပြီး ၁၆၅ ဦး​သေဆုံးခဲ့သည်ဟုထုတ်ပြန်သည်။

လက်​တွေ့တွင် အာဏာသိမ်းစစ်​ကောင် စီ​ကြောင့် ​​အောက်စီဂျင်ရှာမရ၍ ​၊​ဆေးရုံတက်ခွင့်မရ၍ နေအိမ်တွင်​သေဆုံးသူ များမှာ ​ဆေးရုံတက်ပြီး​သေဆုံးသူထက်ပိုများသည်။

ထို​ကြောင့် ကိုဗစ်​ကြောင့် အမှန်တကယ်သေဆုံးသူမှာ စစ်​ကောင်စီထုတ်ပြန်မှုထက် များစွာပိုများပြီး ရန်ကုန်မြို့တစ်မြို့တွင်​သေဆုံးသူမှာပင် စစ်​ကောင်စီထုတ်ပြန်ချက်ထက်ပိုများ​နေသည်။ ​နေ့စဥ်​သေဆုံးသူ ရာနှင့်ချီများ​နေသဖြင့် ရန်ကုန်ရှိ မီးသဂြိုဟ်စက်များမှာ မနိုင်မနင်းဖြစ်လျက်ရှိသည်။