ကလေးမြို့နယ်တွင် နှစ်ရက်ဆက် တိုက်ပွဲဖြစ်ပွားခဲ့ပြီး နှစ်ရက်အတွင်း အကြမ်းဖက်စစ်ကောင်စီတပ်ဖွဲ့ဝင် ၂၅ဦးထက်မနည်း သေဆုံးခဲ့ကြောင်း ကလေးပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။
ဇူလိုင် ၁၅ရက် နံနက်ပိုင်းတွင် စစ်ကောင်စီတပ်များသည် ကလေးမြို့နယ်တောင်ပိုင်းရှိ ကျေးရွာများသို့ ဝင်ရောက်စီးနင်းရန် လာရောက်ခဲ့ရာ ကလေး PDFနှင့် ထိတွေ့မှု တစ်နေ့လုံးဖြစ်ပွားခဲ့ကြောင်း၊ ဇူလိုင် ၁၆ရက် နံနက် အစောပိုင်းတွင်လည်း ကလေးမြို့နယ်တောင်ပိုင်း အရှေ့စည်းရွာတွင် တပ်စွဲထားသည့် စစ်ကောင်စီတပ်များ တိုက်ပွဲ ဆက်လက်ဖြစ်ပွားခဲ့ရာ စစ်ကောင်စီဘက်က လက်နက်ကြီး ပစ်ခတ်မှုများ ဆက်တိုက်ပြုလုပ်ခဲ့ကြောင်း ထုတ်ပြန်ခဲ့သည်။
ဇူလိုင် ၁၅ရက် တိုက်ပွဲတွင် စစ်ကောင်စီတပ်ဖွဲ့ဝင် အနည်းဆုံး ၁၇ဦး သေဆုံးခဲ့ပြီး PDF ဘက်မှ ၂ဦး ၊ ပြည်သူ ၂ဦး ကျဆုံးခဲ့ကြောင်း၊ ဇူလိုင် ၁၆ရက် တိုက်ပွဲတွင် စစ်ကောင်စီတပ်ဖွဲ့ဝင် ၈ဦး သေဆုံးပြီး PDF ဘက်မှ မစိုးရိမ်ရ ဒဏ်ရာရသူ ၆ဦး ရှိခဲ့ကြောင်း ထုတ်ပြန်ချက်၌ ဖော်ပြထားသည်။
ကလေးမြို့နယ တောင်ပိုင်းဒေသများကို ဖိနှိပ်ရှင်းလင်းရန် ကြိုးပမ်းနေသည့် အကြမ်းဖက်စစ်ကောင်စီ၏ လုပ်ရပ်များကို အပြန်းအထန် တုံ့ပြန်သွားမည်ဖြစ်၍ ကလေးနှင့် ဂန့်ဂေါ လမ်းအား အသုံးပြုသွားလာသည့် မော်တော်ယာဉ်များအနေဖြင့် မဖြစ်မနေ မှန်ချ၍ မောင်နှင်ပေးရန်လည်း ကလေး PDFက အသိပေးခဲသည်။
Public Service Announcement
