Connect with us

Hi, what are you looking for?

LuduNwayOo

News

မြန်မာမှာ ကိုဗစ်ထိန်းချုပ်​ရေး ကုလကတိုးမြှင့်​ဆောင်ရွယ်​တော့မယ်

ကုလဌာနေအဖွဲ့ဟာ အောက်စီဂျင်ပြတ်လပ်မှုကို ဖြေရှင်းဖို့၊ အောက်စီဂျင်ရှုစက်တွေနဲ့ အခြားလိုအပ်တဲ့ပစ္စည်းတွေကို ဘက်ပေါင်းစုံကနေ ရရှိဖို့ လုပ်ဆောင်သွားမယ်လို့ ဆိုပါတယ်။


မြန်မာနိုင်ငံရှိ ကုလသမဂ္ဂအဖွဲ့ဟာ နိုင်ငံအတွင်း ကိုဗစ်ဖြစ်ပွားမှုနှုန်းစိုးရိမ်ဖွယ်အနေအထားကြောင့် တုန့်ပြန်ဆောင်ရွက်မှုတွေ တိုးမြှင့်လုပ်ဆောင်တော့မယ်လို့ ဒီနေ့ ထုတ်ပြန်ကြေညာပါတယ်။

အကန့်အသတ်နဲ့စစ်ဆေးမှု၊ စစ်ဆေးရာမှာ အခက်အခဲတွေနဲ့ရင်ဆိုင်နေရပေမယ့် ဇူလိုင် ၁၇ ရက်မှာ ကိုဗစ်လူနာသစ် ၅၄၉၇ ဦး ရှိခဲ့ပြီး လွန်ခဲ့တဲ့ သီတင်းနှစ်ပတ်ကရှိခဲ့တဲ့ ၂၂.၃၄ ရာခိုင်နှုန်းကနေ ၃၉.၁၂ ရာခိုင်နှုန်း လူနာသစ်တွေ့ရှိမှု မြင့်တက်ခဲ့တယ်လို့ ကုလသမဂ္ဂက ထုတ်ပြန်ပါတယ်။ ဒါ့အပြင် ကူးစက်မြန် Delta မျိုးကွဲအပါအဝင် များစွာသော ကိုဗစ်မျိုးကွဲတွေကို တွေ့ရှိထားပါတယ်။

နိုင်ငံတစ်ဝန်းမှာ မြို့နယ် ၇၀ ကျော် နေအိမ်နေထိုင်ရေး(Stay at home) အမိန့်ထုတ်ထားပြီး ရောဂါပိုးပြန့်နှံ့မှုကို ထိန်းချုပ်ဖို့အတွက် ဇူလိုင် ၁၇ ကနေ ၂၅ အထိ အများပြည်သူရုံးပိတ်ရက်အဖြစ် ကြေညာထားပါတယ်။
မလုံလောက်တဲ့ဖြည့်ဆည်းမှုနဲ့ လူသားအရင်းအမြစ်ကြောင့် ဆေးရုံတွေမှာ လက်ခံနိုင်မှုနဲ့ အောက်စီဂျင်ဟာ အကန့်အသတ်ဖြစ်နေပါတယ်။

ကုလဌာနေအဖွဲ့ဟာ အောက်စီဂျင်ပြတ်လပ်မှုကို ဖြေရှင်းဖို့၊ အောက်စီဂျင်ရှုစက်တွေနဲ့ အခြားလိုအပ်တဲ့ပစ္စည်းတွေကို ဘက်ပေါင်းစုံကနေ ရရှိဖို့ လုပ်ဆောင်သွားမယ်လို့ ဆိုပါတယ်။

အရေးပေါ်ကျန်းမာရေးဝန်ဆောင်မှုတွေ ချက်ချင်းလုပ်ဆောင်ပြီး ကိုဗစ်ကာကွယ်ဆေး ထိုးနှံရေးကြိုးပမ်းမှုက အရေးတကြီး ဦးစားပေးအဖြစ် လုပ်ဆောင်ရပါမယ်လို့ ကုလသမဂ္ဂက ထုတ်ပြန်ပါတယ်။

WHO၊ UNICEF နဲ့ မိတ်ဖက်အဖွဲ့အစည်းတွေဟာ COVAX facility အပါအဝင် လမ်းကြောင်းစုံကနေ ကာကွယ်ဆေးရရှိနိုင်ရေးကို အရှိန်နှစ်ဆမြှင့်ကြိုးပမ်းနေတယ်လို့ ဆိုပါတယ်။ မြန်မာဟာ COVAX facility ကနေ 2021 အတွင်း လူဦးရေရဲ့ 20 ရာခိုင်နှုန်းကို ကိုဗစ်ကာကွယ်ဆေးထိုးနှံနိုင်ဖို့ မျှော်လင့်ထားပါတယ်။ အဲဒီအစီအစဥ်ဟာ WHO ရဲ့ ဦးစားပေးကာကွယ်ဆေးထိုးနှံရေးလမ်းညွှန်ချက်တွေအရ ဖြန့်ဝေမှာဖြစ်ပါတယ်။ ဒီကာကွယ်ဆေးတွေရဲ့ ပထမဆုံးအသုတ်ဟာ လက်ရှိခွဲတမ်းသတ်မှတ်ချက်မှာ ပါဝင်လာဖို့ရှိပါ တယ်။

လက်ရှိမှာ ကိုဗစ်စစ်ဆေးနိုင်မှုဟာ တိုင်းဒေသကြီးနဲ့ ပြည်နယ်တွေမှာ တစ်ရက်လျှင် 12000 ကနေ 15000 အထိ ရှိနေပြီး ကန့်သတ်ချက်တွေနဲ့အတူ တွေ့ရှိလူနာသစ်စာရင်းမှာ စာရင်းမဝင်တဲ့ လူနာသစ်များစွာရှိနိုင်တယ်လို့ ကုလသမဂ္ဂက သုံးသပ်ပါတယ်။

လက်ရှိ ကိုဗစ်ပြန့်နှံဖြစ်ပွားခြင်းဟာ ပြည်သူများရဲ့ ကျန်းမာရေး၊ စီးပွားရေးတွေအပေါ်နောက်ဆက်တွဲ ဆိုးကျိုးများစွာရှိလာနိုင်တယ်လို့ကုလသမဂ္ဂရဲ့ ထုတ်ပြန်ချက်မှာ ဖော်ပြပါတယ်။

အရင်ကထက် ဆန်းသစ်တဲ့ လူ့အဖွဲ့အစည်းတစ်ခုလုံးပါဝင်တဲ့ ချဥ်းကပ်မှုလိုအပ်နေပြီး ကျွမ်းကျင်တဲ့ကျန်းမာရေးဝန်ထမ်းတွေကို လုံခြုံစွာ အလုပ်လုပ်နိုင်စေဖို့၊ အများပြည်သူနဲ့ ပုဂ္ဂလိက လုပ်ကိုင်လိုသူတွေကို ကိုဗစ်တုန့်ပြန်ရေးမှာ ပါဝင်လာစေဖို့တို့ကို ခွင့်ပြုရေးအတွက် ကုလသမဂ္ဂက တိုက်တွန်းထားပါတယ်။

မြန်မာနိုင်ငံမှာ စစ်တပ်က အာဏာသိမ်းမှု​ကြောင့် အရပ်သားအစိုးရ​ဆောင်ရွက်​နေတဲ့ ကိုဗစ်ကာကွယ်ထိန်းချုပ်​ရေး အစီအစဥ်အားလုံးပျက်စီးခဲ့သလို ကိုဗစ်တိုက်ဖျက်​စေး​ဆောင်ရွက်​နေတဲ့ ကျန်းမာ​ရေးဝန်ထမ်း​တွေ ၊​စေတနာ့ဝန်ထမ်း​တွေဟာလည်း ဖမ်းဆီး ၊သတ်ဖြတ် ၊ညှင်းပန်းနှိပ်စက် ခံ​နေရပါတယ်။ ကျွမ်းကျင်ကျန်းမာ​ရေးဝန်ထမ်း​တွေက အာဏာသိမ်းစစ်​​ကောင်စီ လက်​အောက်မှာ မလုပ်ဘဲ အကြမ်းမဖက်ဘဲ အာဏာဖိဆန် ပြီး၊ ကိုဗစ်လူနာ​တွေများလာတဲ့အခါ ကူညီကုသ​ပေးတာမှာလည်းစစ်​ကောင်စီကဖမ်းဆီး​နေပါတယ်။

အာဏာသိမ်းစစ်​ကောင်စီက ကိုဗစ်ထိန်းချုပ်​ရေး မလုပ်သသလို ၊ NUG -အမျိုးသားညီညွတ်​ရေးအစိုးရက ကိုဗစ်တိုက်ဖျက်​ရေး အကန်အသတ်​တွေကြားက လုပ်ကိုင်​နေရတဲ့အချိန် မှာကုလသမဂ္ဂက ကပ်​​ရောဂါ တိုက်ဖျက်​ရေး တိုးမြှင့်​ဆောင်ရွက်​တော့မယ်လို ​ကြေညာလိုက်ခြင်းဖြစ်ပါတယ်။

You May Also Like

သတင်း

ကမ္ဘာတစ်ဝန်း နိုင်ငံ​ပေါင်း ၁၈၀ ကို အကဲဖြတ်ရာမှာ​​နောက်ဆုံးက​​ရေတွက်ရင် အဂတလိုက်စားဆုံးနိုင်ငံတွထဲမှာ အဆင့် ၂၁ မှာ ရပ်တည်​နေတာဖြစ်ပါတယ်။

နိုင်ငံတကာ

လောလောဆယ်မှာ ကိုဗစ်ရောဂါရဲ့ သဘောသဘာဝဟာ စပ်ကူးမတ်ကူး ကာလမျိုးကို ဖြတ်သန်း ဝင်ရောက်နေဆဲဖြစ်ပြီး အလေးထား စောင့်ကြည့်မှုတွေ ဆက်လက် လိုအပ်နေတယ်လို့ ကော်မတီက မှတ်ချက် ပေးခဲ့ပါတယ်။

သတင်း

အမေရိကန်နိုင်ငံခြားရေးဝန်ကြီးဌာန အတိုင်ပင်ခံသည် စစ်အုပ်စု၏ ပြုလုပ်လာမည်ဆိုသော အတုအယောင်ရွေးကောက်ပွဲကို အမေရိကန်အစိုးရက အသိအမှတ်ပြုမည်မဟုတ်ကြောင်း ပြတ်သားစွာပြောဆိုထားသည်။

နိုင်ငံတကာ

တရုတ်နှစ်သစ်ကူးကို အကြောင်းပြုပြီး ဒေသတချို့မှာ ရောဂါ ဖြစ်ပွားနှုန်း တိုးလာတာမျိုး ကြုံကောင်း ကြုံရနိုင်ကြောင်း၊ ဒါပေမဲ့ နောက်တစ်ကြိမ် ကိုဗစ်ကူးစက်မှုလှိုင်း အကြီးအကျယ် ရိုက်ခတ်တာမျိုးကတော့ လာမယ့် လပိုင်းတွေအတွင်း မဖြစ်နိုင်လောက်တော့ကြောင်း ဝူက မှတ်ချက် ပေးခဲ့ပါတယ်။