ရန်ကုန်မြို့ အင်းစိန်အကျဥ်းထောင်အတွင်း ဖမ်းဆီးခံသူများ၏ တောင်းဆိုမှုဖြစ်စဥ်ကို စစ်တပ်က ဝင်ရောက် ပြီးနောက် ပြေလည်မှုရရှိသည်ဟု ကြားသိရပြီး အကျဥ်းဦးစီးဌာနတာဝန်ရှိသူ ဦးဇော်ဇော်နှင့် ထောင်ဝန်ထမ်းသုံးဦးကို စစ်တပ်က ခေါ်ယူစစ်နေသည်ဟု ကြားသိရကြောင်း နိုင်ငံရေးအကျဥ်းသားများ ကူညီ စောင့်ရှောက်ရေးအသင်း(AAPP)မှ တွဲဖက်အတွင်းရေးမှူး ကိုဘိုကြည်က ပြောသည်။
“ထောင်ကို စစ်တပ်က ဝင်တယ်။ ထောင်တာဝန်ရှိသူ ဦးဇော်ဇော်နဲ့ ဝန်ထမ်းသုံးယောက်ကို စစ်တပ်က ခေါ်စစ် နေတယ်ကြားတယ်။ ဝန်ထမ်းတွေဆီကလည်း လက်နက်အချို့သိမ်းမိတယ်လည်းကြားတယ်။ ပြေလည်မှုရ တယ်လည်း ကြားရတယ်။ အသေးစိတ်တော့ မသိရသေးဘူး”ဟု ကိုဘိုကြည်က ပြောသည်။
အင်းစိန်ထောင်၌ ဖမ်းဆီးထိန်းသိမ်းခံထားရသူများသည် ဖျားနာနေသည့်အတွက် ကျန်းမာရေး စောင့်ရှောက်ခံယူခွင့်ရရှိစေရန်အတွက် ဆူပူကြွေးကြော်နေခြင်းဖြစ်သည်ဟု ကြားသိထားကြောင်း ၎င်းကဆိုသည်။
ယနေ့နံနက်ပိုင်းတွင် အင်းစိန်အကျဥ်းထောင်းအတွင်း ဖမ်းဆီးထိန်းသိမ်းခံရသောသူများသည် ‘သွေးသစ္စာ’ သီချင်းနှင့် အာဏာရှင်ဆန့်ကျင်ရေးကြွေးကြော်သံများကို သံပြိုင်အော်ဟစ်၍ ဆူပူမှုပြုလုပ်ခဲ့ခြင်း ဖြစ်သည်။
Public Service Announcement
