ကုလသမဂ္ဂလုံခြုံရေးကောင်စီဟာ မြန်မာ့အရေးကြားနာပွဲတစ်ရပ်ကို ဒီတစ်ပတ်မှာ ပြုလုပ်ကျင်းပဖို့ရှိနေပါတယ်။
“မြန်မာစစ်တပ်ဟာ အကျပ်အတည်းဖြေရှင်းရေးနဲ့ ကိုဗစ်ကာကွယ်ဆေးရရှိရေးစတဲ့အချက်တွေအပေါ် ရေငုံနှုတ် ပိတ်နေဖို့ကြိုးစားထားတဲ့ အသံတွေဆီကနေ လုံခြုံရေးကောင်စီက ဒီတစ်ပတ်မှာ တိုက်ရိုက်ကြားနာသွားမှာပါ” လို့ ဗြိတိန်ရဲ့ ကုလအမြဲတမ်းကိုယ်စားလှယ်သံအမတ်ကြီး Barbara Woodward က တွစ်တာက တစ်ဆင့် အသိပေး ထားပါတယ်။
စစ်တပ်က အာဏာသိမ်းမှုနဲ့ ကိုဗစ်-၁၉ တတိယလှိုင်းမြင့်တက်မှု ခံစားနေရတဲ့ မြန်မာနိုင်ငံမှာ လာမယ့် နှစ်ပတ်အ တွင်း နိုင်ငံ့လူဦးရေထက်ဝက်ဟာ ကိုဗစ်-၁၉ ကူးစက်ခံရနိုင်တယ်လို့ အထက်ပါ ဗြိတိန်သံအမတ်ကြီးက စိုးရိမ်နေ ပါတယ်။
“မြန်မာနိုင်ငံမှာ ကျန်းမာရေးလုပ်သားတွေရဲ့ ရဲရင့်တဲ့ကြိုးပမ်းမှုတွေရှိနေပေမယ့် ကျန်းမာရေးကုသမှုစနစ်ဟာ ပြိုလဲလု နီးပါးဖြစ်နေပါပြီ။ နိုင်ငံ့စီးပွားရေး၊ အလုပ် အကိုင်၊ စီးပွားရေးတွေဟာလည်း ကျရှုံးနေပါတယ်” လို့ Woodward က ဆိုပါတယ်။
Public Service Announcement
ပြီးခဲ့တဲ့ အင်္ဂါနေ့က ကုလအထူးအစီရင်ခံစာတင်သွင်းသူဟာ မြန်မာနိုင်ငံမှာ အရေးပေါ် ကိုဗစ်-၁၉၊ အပစ်အခတ် ရပ်စဲဖို့ လုံခြုံရေးကောင်စီနဲ့ အဖွဲ့ဝင်နိုင်ငံတွေက ဖိအားပေးဖို့တောင်းဆိုခဲ့ပြီး အဲဒီတောင်းဆိုချက်နည်းတူ ဗြိတိန် သံအမတ်ကြီးက ပဲ့တင်ထပ်လိုက်တာဖြစ်ပါတယ်။
မြန်မာနိုင်ငံမှာ ကိုဗစ်-၁၉ ကူးစက်မှုမြင့်မားနေပေမယ့် စစ်ကောင်စီဟာ ကျန်းမာရေးလုပ်သားတွေကို တိုက်ခိုက်မှု တိုးမြှင့်လုပ်ဆောင်နေတယ်လို့ ကုလအထူးအစီရင် ခံစာတင်သွင်းသူ Tom Andrews က ပြောထားပါတယ်။
Tom Andrews ရဲ့ တောင်းဆိုချက်ထဲမှာ မြန်မာနိုင်ငံအတွင်း ကိုဗစ်-၁၉ ဆိုးရွားနေချိန် အဲဒီကပ်ရောဂါကို တွန်းလှန်တိုက်ခိုက်ဖို့ လွန်စွာလိုအပ်တဲ့ ကျန်းမာရေးကုသမှုကျွမ်းကျင်သူတွေကို စစ်ကောင်စီရဲ့တိုက်ခိုက်မှု အားလုံး ရပ်တန့်ပေးဖို့ ကုလအဖွဲ့ဝင်နိုင်ငံတွေအနေနဲ့ အရေးယူဆုံးဖြတ်ချက်တွေအပါအဝင် နည်းလမ်းပေါင်းစုံ အသုံးပြုဖို့ အရေးပေါ်လိုအပ်နေတယ်လို့ ဖော်ပြထားပါတယ်။
