ကျန်းမာရေးပညာရှင်တစ်ဦးဖြစ်တဲ့ ဒေါက်တာမြင့်ဦး (GP)ဟာ ဒီကနေ့မနက် ၇ နာရီလောက်က ရန်ကုန်ဆေးရုံကြီး(Jica)မှာ ကွယ်လွန်သွားခဲ့ပါတယ်။
ဒေါက်တာမြင့်ဦး(GP)ဟာ ကွယ်လွန်ချိန်မှာ အသက် (၅၉) နှစ်ရှိပြီဖြစ်ပြီး ကိုဗစ်ရောဂါကူးစက်ခံရတာကြောင့် ရန်ကုန်ဆေးရုံကြီးမှာကုသမှုခံယူနေရင်း ကွယ်လွန်ခဲ့တာလည်း ဖြစ်ပါတယ်။
မကွယ်လွန်မီက ကျန်းမာရေးဆိုင်ရာ အသိပညာပေးအစီအစဉ်အများအပြားကို သတင်းမီဒီယာတွေကတစ် ဆင့် ဟောပြောပေးခဲ့သလို လွတ်လပ်တဲ့အာရှအသံ(RFA)မှာ ဒေါက်တာစေတနာခေါင်းစဉ်နဲ့ ပင်တိုင် ဆောင်းပါးရှင်အဖြစ် ဆောင်ရွက်ခဲ့ပါတယ်။
ဆရာကြီးဟာ အမေရိကန်နိုင်ငံ ဝါရှင်တန်မြို့မှာရှိတဲ့ National Endowment For Democracy-NED ကရွေးချယ်တဲ့ Fellow တစ်ဦးဖြစ်ပြီး ၂၀၀၉ နဲ့ ၂၀၁၀ ခုနှစ်တွေမှာ ဝါရှင်တန်မှာ ကျန်းမာရေးနှင့် လွတ်လပ်ခြင်း ပြည်သူ့ကျန်းမာရေးအဖွဲ့အစည်းများနှင့် ဒီမိုကရက်တက်အက်စတီကျူးရှင်းများဆက်စပ်မှု စတဲ့သုတေသနစာတန်းတွေကို ပြုစုခဲ့သူတစ်ဦးလည်း ဖြစ်ပါတယ်။
Public Service Announcement
