Connect with us

Hi, what are you looking for?

LuduNwayOo

News

SNLDဥက္ကဋ္ဌ မိသားစုများ ကွယ်လွန်သည့်အပေါ် NUG ယာယီသမ္မတ ဝမ်းနည်းကြောင်းသဝဏ်လွှာပို့

ါတီ ဥက္ကဋ္ဌအနေဖြင့် ကျန်းမာရေးဂရုစိုက်သူဖြစ်၍ ကျန်းမာရေးကောင်းမွန်ပြီး ရုပ်ပိုင်းဆိုင်ရာအတွက် စိတ်ပူစရာမရှိသော်လည်း မိသားစုဝင်များ ဆက်တိုက် ဆုံးပါးခဲ့၍ စိတ်ထိခိုက်ဝမ်းနည်းမှု အတိုင်းအတာ တစ်ခုအထိရှိမည်ဖြစ်ကြောင်း SNLD ပြောရေးဆိုခွင့်ရှိသူ ဦးစိုင်းလိတ်က ပြောကြားသည်။

၂၀၂၀ ရွေးကောက်ပွဲတွင် တတိယအနိုင်ရပါတီဖြစ်သော ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD) ဥက္ကဌ စိုင်းညွန့်လွင်၏ မိသားစုဝင်များ ရှေ့ဆင့်၊ နောက်ဆင့် ကွယ်လွန်ခဲ့မှုအပေါ် အမျိုးသားညီ ညွတ်ရေးအစိုးရ(NUG) ယာယီသမ္မတ ဒူဝါလရှီးလက ဝမ်းနည်းကြောင်း သဝဏ်လွှာပေးပို့ခဲ့သည်။

ဦးစိုင်းညွန့်လွင်၏ တတိယအစ်မဖြစ်သူ ဒေါ်တင်ရီ (၈၅ နှစ်) နှင့် တူမဖြစ်သူ နန်းမိုးအေး(ခေါ်) ပိုပို (၄၈ နှစ်) တို့သည် ဇူလိုင် ၂၀ရက်တွင် COVID-19 ရောဂါကြောင့် ကွယ်လွန်ခဲ့ခြင်းဖြစ်သည်။ ထို့ပြင် ဦးစိုင်းညွန့်လွင်၏ အမကြီးဖြစ်သည့် ဒေါ်တင်မြင့် (၉၀နှစ်)သည် ဇူလိုင် ၂၁ရက်တွင် အခြားရောဂါနှင့် ကွယ်လွန်ခဲ့ပြီး ဒုတိယအမဖြစ်သူ ဒေါ်တင်ကြည် (၈၈) နှစ်သည်လည်း ဇူလိုင် ၂၉ ရက်တွင် ကွယ်လွန်ခဲ့သည်။

ထိုသို့ SNLD ဥက္ကဋ္ဌ၏ မိသားစုဝင်လေးဦး ကွယ်လွန်ခဲ့ခြင်းနှင့်ပတ်သက်ပြီး အမျိုးသားညီညွတ်ရေးအစိုးရကိုယ်စား ယာယီသမ္မတက ဝမ်းနည်းကြောင်း သဝဏ် လွှာပေးပို့ကာကွယ်လွန်သူများအားလုံး ကောင်းရာသုဂတိသို့ ရောက်ရှိပါစေကြောင်း ဆုတောင်းမေတ္တာ ပို့သခဲ့သည်။

ပါတီ ဥက္ကဋ္ဌအနေဖြင့် ကျန်းမာရေးဂရုစိုက်သူဖြစ်၍ ကျန်းမာရေးကောင်းမွန်ပြီး ရုပ်ပိုင်းဆိုင်ရာအတွက် စိတ်ပူစရာမရှိသော်လည်း မိသားစုဝင်များ ဆက်တိုက် ဆုံးပါးခဲ့၍ စိတ်ထိခိုက်ဝမ်းနည်းမှု အတိုင်းအတာ တစ်ခုအထိရှိမည်ဖြစ်ကြောင်း SNLD ပြောရေးဆိုခွင့်ရှိသူ ဦးစိုင်းလိတ်က ပြောကြားသည်။

“အဲဒါကြောင့်မို့လို့ ကျွန်တော်တို့ ပါတီဝင်တွေကလည်း ဒါကို ဝမ်းနည်းစိတ်မကောင်းတဲ့အကြောင်း သဝဏ်လွှာရေးသားထုတ်ပြန်ထားတာရှိပါတယ်။ NUGက ယာယီသမ္မတ ကိုယ်တိုင် လက်မှတ်ရေးထိုးပြီး ထုတ်ပြန်ထားတာလည်းတွေ့တယ်။ ကျွန်တော်တို့လည်း အွန်လိုင်းပေါ်မှာ တွေ့လို့ ဒီဟာကို သိရတာပါ” ဟု ၎င်းကဆိုသည်။

NUG အစိုးရဖြစ်စေမည်သူဖြစ်စေ လူသားချင်းစာနာထောက်ထားမှုအရ ယခုကဲ့သို့ ဝမ်းနည်းကြောင်း ဖော်ပြမှုအပေါ် ကျေးဇူးတင်ကြောင်း ဦးစိုင်းလိတ်က ပြောကြားသည်။

You May Also Like

သတင်း

အမျိုးသားညီညွတ်ရေးအစိုးရ နည်းပညာအဖွဲ့၏ ကြိုးပမ်းအားထုတ်မှုကြောင့် ယနေ့နံနက် (ဖေဖော်ဝါရီ ၂ရက်)တွင် လက်ဝယ်ခိုင်ခိုင်မာမာပြန်လည်ရရှိခဲ့ပြီး ဖေ့ဘွတ်စာမျက်နှာ လုံခြုံရေးအား အောင်မြင်စွာလုပ်ဆောင်နိုင်ခဲ့ပြီဖြစ်ကြောင်း ထုတ်ပြန်သည်။

သတင်း

ထို့ပြင် နိုင်ငံ့ဝန်ထမ်း CDMသူရဲကောင်းများဖြစ်သည့် နေ့စားဝန်ထမ်းများ (အချိန်ပိုင်းနည်းပြ၊ သရုပ်ပြများ အပါအဝင်)ကို ယနေ့မှစ၍ အမြဲတမ်းဝန်ထမ်းများအဖြစ် အတည်ပြုခန့်ထားကြောင်း ကြေညာသည်။

သတင်း

မင်းအောင်လှိုင်ဦးဆောင်သော အကြမ်းဖက်စစ်အုပ်စုက ပြည်သူ့ဆန္ဒအမှန်ဖြစ်သော ရွေးကောက်ပွဲ ရလဒ်ကို လက်မခံဘဲ ပြည်သူ့အာဏာကို လက်နက်အားကိုးဖြင့် အနိုင်ကျင့်လုယူရန်ကြိုးစားမှုအား ပြည်သူလူထုတစ်ရပ် လုံးက ခေါင်းငုံ့မခံဘဲ ဆန့်ကျင်တော်လှန်ခဲ့ကြသည့် ပြည်သူ့နွေဦးတော်လှန်ရေးသည် ယနေ့ တွင် (၂)နှစ်ပြည့်ခဲ့ပြီဖြစ်သည်။

သတင်း

ယနေ့ (ဇန်နဝါရီ ၃၁ရက်)တွင် ကျရောက်သည့် (၇၄)နှစ်မြောက်ကရင့်တော်လှန်ရေးနေ့သို့ သဝဏ်လွှာပေးပို့ ခဲ့ခြင်းဖြစ်သည်။