Connect with us

Hi, what are you looking for?

LuduNwayOo

News

NUGနှင့် တိုင်းရင်းသားအဖွဲ့များညီလာခံက အမျိုးသားကျန်းမာရေးကော်မတီဖွဲ့စည်းကြောင်း ကြေညာ

အမျိုးသားညီညွတ်ရေးအစိုးရ (NUG)၊ ကျန်းမာရေးဝန်ကြီးဌာနနှင့် တိုင်းရင်းသားကျန်းမာရေး အဖွဲ့အစည်းများပူးပေါင်းပြီး ကျင်းပခဲ့သည့် အမျိုးသားကျန်းမာရေးညီလာခံမှ အမျိုးသားကျန်းမာရေးကော်မတီ(NHC)ကို ဖွဲ့စည်းနိုင်ခဲ့ကြောင်းညီလာခံက ထုတ်ပြန်သည်။

အမျိုးသားညီညွတ်ရေးအစိုးရ (NUG)၊ ကျန်းမာရေးဝန်ကြီးဌာနနှင့် တိုင်းရင်းသားကျန်းမာရေး အဖွဲ့အစည်းများပူးပေါင်းပြီး ကျင်းပခဲ့သည့် အမျိုးသားကျန်းမာရေးညီလာခံမှ အမျိုးသားကျန်းမာရေးကော်မတီ(NHC)ကို ဖွဲ့စည်းနိုင်ခဲ့ကြောင်းညီလာခံက ထုတ်ပြန်သည်။

အမျိုးသားကျန်းမာရေးညီလာခံကို တိုင်းရင်းသားကျန်းမာရေးအဖွဲ့အစည်းများနှင့် NUG ကျန်းမာရေးဝန်ကြီးဌာနတို့ ကြီးမှူးပြီး ဩဂုတ် ၂ရက်မှ ၅ရက်အထိ ကျင်းပခဲ့ခြင်းဖြစ်သည်။

လေးရက်ကြာ ကျင်းပခဲ့သည့် ညီလာခံတွင် ကျန်းမာရေးနှင့်လူ့အခွင်အရေးဆိုင်ရာ စာတမ်း၊ ဖက်ဒရယ် ကျန်းမာ ရေးဆိုင်ရာစာတမ်း၊ တိုင်းရင်းသားအဖွဲ့အစည်းများမှ ဒေသအလိုက် ဆောင်ရွက်လျက်ရှိသော ကျန်းမာရေးမူဝါဒများနှင့် ကျန်းမာရေးစောင့်ရှောက်မှုလုပ်ငန်းများ၊ လက်ရှိ လတ်တလော ဖြစ်ပေါ်နေသည့် COVID-19 ဖြစ်ပွားမှု ဆန်းစစ်ချက်များ၊ ကာကွယ် ထိန်းချုပ်ကုသရေးဆောင်ရွက်မှုများ၊ “ဖက်ဒရယ် ပြည်ထောင်စု ကျန်းမာရေးမူဝါဒ” စာတမ်းနှင့် အလုံးစုံလွှမ်းခြုံသည့် ကျန်းမာရေစနစ် (UHC) စသည်တို့ကို တင်သွင်း ဆွေး နွေးခဲ့သည်ဟု ထုတ်ပြန်ချက်၌ ဖော်ပြထားသည်။

ထို့ပြင် အနာဂတ်ဖက်ဒရယ်ပြည်ထောင်စု တည်ဆောက်ရာတွင် ထိရောက်ကောင်းမွန်သည့် ကျန်းမာရေးစနစ် တည်ဆောက်နိုင်ရန်၊ ကျန်းမာရေးမူဝါဒဆိုင်ရာ အခြေခံမူများ ချမှတ်သွားစေရန်နှင့် ကြားကာလကျန်းမာရေးလုပ်ငန်းစဉ်များကို စီမံအကောင်အထည် ဖော်ဆောင် သွားနိုင်ရန် အတွက် “အမျိုးသားကျန်းမာရေးကော်မတီ” ဖွဲ့စည်းနိုင်ခဲ့ကြောင်း ကြေညာချက်၌ ဖော်ပြထားသည်။

အဆိုပါ ညီလာခံသို့ အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနနှင့် ဝန်ကြီးဌာနအသီးသီးမှ တာဝန်ရှိသူများ၊ တိုင်းရင်းသားကျန်းမာရေးအဖွဲ့အစည်းများမှ တာဝန်ရှိသူများ၊ ပြည်တွင်းပြည်ပ ကျန်းမာရေးအဖွဲ့အစည်းများမှ တာဝန်ရှိသူများနှင့် ပြည်တွင်းပြည်ပမှ ဆေးပညာရှင်များ၊ တတ်သိ ပညာရှင်များနှင့် ဆေးနှီးနွှယ်ကျောင်းသားအဖွဲ့အစည်းများမှ ကိုယ်စားလှယ်များ တက်ရောက် ဆွေးနွေးခဲ့ကြောင်း ထုတ်ပြန်ထားသည်။

You May Also Like

သတင်း

▪︎စစ်အုပ်ချုပ်ရေးကြေညာရမှုစစ်ကောင်စီအနေဖြင့်ထိန်းချုပ်နိုင်မှုများစွာအားနည်းကြောင်းဝန်ခံခြင်းဖြစ် ▪︎“ဒီမြို့နယ်တွေဆိုရင် စစ်ကောင်စီက သူ့တပ်ရှိတယ်ဆိုရင် တပ်ထဲက အပြင်တောင်မှ ထွက်ရဲတဲ့ မြို့နယ်တွေမဟုတ်တော့ဘူး” စစ်အာဏာရှင် တိုက်ဖျက်ရေး တစ်နှစ်တာ အစီအစဉ်အတိုင်း ဆက်လက် အကောင်အထည်ဖော်သွားမည်ဖြစ်ပြီး စစ်ဒေသအလိုက်လွတ်မြောက်ရေး၊ ထိုမှတဆင့် တစ်နိုင်ငံလုံးအတိုင်းအတာ လွတ်မြောက်ရေးကို ဆောင်ရွက်ရန် စီမံချက်ချထားကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီး ဦးရည်မွန်က ပြောသည်။...

သတင်း

ယနေ့(ဖေဖော်ဝါရီ ၅ရက်) ကျရောသည့် (၆၂)နှစ်မြောက် ကချင်တော်လှန်ရေးနေ့သို့ NUG ကာကွယ်ရေးက ဂုဏ်ပြု သဝဏ်လွှာပေးပို့ခဲ့ခြင်းဖြစ်သည်။

သတင်း

ယနေ့ တိုက်ပွဲအတွဗင်း ရန်သူ့တပ်သားနှင့်ပျုစောထီး (၂၀)ဦးခန့် သေဆုံးခဲ့ပြီး ပြည်သူ့ကာကွယ်ရေးရဲဘော်(၂)ဦး ကျဆုံးခဲ့ကြောင်း အသိပေးထားသည်။

သတင်း

ထို့ပြင် နိုင်ငံ့ဝန်ထမ်း CDMသူရဲကောင်းများဖြစ်သည့် နေ့စားဝန်ထမ်းများ (အချိန်ပိုင်းနည်းပြ၊ သရုပ်ပြများ အပါအဝင်)ကို ယနေ့မှစ၍ အမြဲတမ်းဝန်ထမ်းများအဖြစ် အတည်ပြုခန့်ထားကြောင်း ကြေညာသည်။