Connect with us

Hi, what are you looking for?

LuduNwayOo

News

ကရင်နီဒေသတွင် တိုက်ပွဲထပ်ဖြစ်၍ စစ်ကောင်စီတပ်ဖွဲ့ဝင် ၁၀ဦးထက်မနည်းသေဆုံးနိုင်ဟု KNDF ထုတ်ပြန်

မွန်းလွဲပိုင်းတွင်လည်း စစ်ကောင်စီတပ်က ထပ်မံ ထိုးစစ်ဆင်လာ၍ တိုက်ပွဲများဆက်ဖြစ်ခဲ့ကြောင်း၊ တိုက်ပွဲများကြောင့် ဒေသခံများ ဘေးလွတ်ရာသို့ တိမ်းရှောင်နေကြရကြောင်း ဖော်ပြထားသည်။

စစ်ကောင်စီတပ်က ထိုးစစ်လာ၍ ကရင်နီအမျိုးသားတိုးတက်ရေးပါတီ(KNPP/KA)နှင့် ကရင်နီအမျိုး သားကာကွယ်ရေးတပ်ဖွဲ့(KNDF) တို့ ပူးပေါင်း၍ ခုခံတိုက် ခိုက်ခဲ့ရာ စစ်ကောင်စီတပ်ဖွဲ့ဝင် ၁၀ ဦးထက်မနည်း သေဆုံးနိုင်ကြောင်း KNDFက ထုတ်ပြန်သည်။

ယနေ့ ဩဂုတ်လ ၈ရက်တွင် ရှမ်းပြည်နယ် ဖယ်ခုံမြို့နယ် ဘီသူ(အထက်)နှင့် ကယားပြည်နယ် ဖရူဆိုမြို့နယ် ဒိုမိုခို ကျေးရွာအကြားတွင် စစ်ကောင်စီတပ်က ထိုးစစ်ဆင်လာ၍ တိုက်ပွဲဖြစ်ပွားခဲ့ကြောင်း၊ စစ်ကောင်စီတပ်မှ မနက် ၆နာရီခွဲမှစ၍ လက်နက်ကြီးများဖြင့် အဆက် မပြတ် ပစ်ခတ်ခဲ့ကြောင်း ထုတ်ပြန်ထားသည်။

မွန်းလွဲပိုင်းတွင်လည်း စစ်ကောင်စီတပ်က ထပ်မံ ထိုးစစ်ဆင်လာ၍ တိုက်ပွဲများဆက်ဖြစ်ခဲ့ကြောင်း၊ တိုက်ပွဲများကြောင့် ဒေသခံများ ဘေးလွတ်ရာသို့ တိမ်းရှောင်နေကြရကြောင်း ဖော်ပြထားသည်။

တိုက်ပွဲအတွင်း စစ်ကောင်စီတပ်မှ ထိခိုက်သေဆုံးမှုရှိနိုင်သော်လည်း KA/KNDF ပူးပေါင်းတပ်ဖွဲ့ဘက်မှ ထိခိုက်ဒဏ်ရာရ ကျဆုံးမှုမရှိကြောင်း KNDFက ဆိုသည်။

အကြမ်းဖက်စစ်ကောင်စီတပ်ဖွဲ့ဝင်များသည် လွိုင်ကော်၊ ဖရူဆိုမြို့နယ်များ၌ အင်အားဖြည့်တင်း စစ်ရေးလှုပ်ရှားလျက်ရှိသည်ဟု ထုတ်ပြန်ခဲ့သည်။

ယခု ဩဂုတ် ၁ရက်ကလည်း ဘောလခဲနှင့် ဖရူဆိုမြို့နယ်အကြားတွင် စစ်ကောင်စီယာဉ်တန်းကို ကရင်နီလက်နက်ကိုင်ပူးပေါင်းအဖွဲ့ကမိုင်းဆွဲတိုက်ခိုက်ခဲ့၍ စစ်ကောင်စီတပ်များ ထိခိုက်သေဆုံးမှုရှိခဲ့သည်။

စစ်ကောင်စီတပ်က စစ်အင်အားဖြည့်တင်းလှုပ်ရှားနေခြင်းကြောင့် တိုက်ပွဲများ ဆက်လက်ပြင်းထန်နိုင်ကြောင်း KNDF ပြောရေးဆိုခွင့်ရှိသူက ပြောကြားထားသည်။

You May Also Like

သတင်း

စစ်ကြောင်းထိုးလာသည့် စစ်ကောင်စီတပ်ကို ဖေဖော်ဝါရီ ၄ ရက် ည ၁၀ နာရီခွဲခန့်တွင်ဖယ်ခုံ PDF တပ် ရင်း( ၂ )၊ ကရင်နီအမျိုးသားများကာကွယ်ရေးတပ်-KNDF တပ်ရင်း (၃) နှင့် URF တို့ ပူးပေါင်းခုခံတိုက်ခိုက်ခဲ့သည်။

သတင်း

KIA တပ်မဟာ(၈)နယ်မြေသို့ စစ်ကောင်စီတပ် ဗုံးကြဲတိုက်ခိုက်မှု၊ မြင်းမူရှိ စစ်ကောင်စီတပ်စခန်းကိုPDF များကတိုက်ခိုက်မီးရှို့မှု၊ ဟုမ္မလင်းဒေသ တိုက်ပွဲသတင်းများကို KIA သတင်းဌာန က ဖော်ပြခဲ့ခြင်းဖြစ်သည်။

သတင်း

ယနေ့(ဖေဖော်ဝါရီ ၅ရက်) ကျရောသည့် (၆၂)နှစ်မြောက် ကချင်တော်လှန်ရေးနေ့သို့ NUG ကာကွယ်ရေးက ဂုဏ်ပြု သဝဏ်လွှာပေးပို့ခဲ့ခြင်းဖြစ်သည်။

သတင်း

မိတ္ထီလာမြို့နယ်၌ စစ်ကောင်စီ အာဏာသိမ်းပြီးနောက်ပိုင်း လောင်းကစားဝိုင်းများလည်း ပိုမိုများပြားလာပြီး နယ်ထိန်းနှင့်အုပ်ချုပ်ရေးမှူးများအား လာဘ်ငွေပေးကာအကြီးအကျယ်ပြုလုပ်နေကြောင်း ဒေသခံများက ပြောသည်။