“ယခုလအစောပိုင်းမှာ စစ်ကောင်စီတပ်ရင်း ဟာ ပန်ဆိုင်းအခြေစိုက် MNDA တပ်ဖွဲ့ဝင်တွေနဲ့ အကြိမ်ပေါင်းမနည်း တိုက်ပွဲဖြစ်ပွားခဲ့ပါတယ်။အိမ်နီးချင်းတိုင်းပြည် တွင်းသို့ လက်နက် ကြီး နဲ့ကျည်ဆံ များကျရောက်ခဲ့ပါတယ်။ အပြစ်တင်ခံရမှုကို စစ်ကောင်စီကလက်နက်ကြီးနဲ့ကျည်ဆံကျရောက်မှုဟာ MNDAA တပ်ဖွဲ့မှာ တာဝန်ရှိတယ် လို့ စစ်မီးတောက်လောင်အောင် စတင်ခဲ့တဲ့ စစ်ကောင်စီ က စွပ်စွဲပါတယ်”ဟု ထုတ်ပြန်ချက်၌ ဖော်ပြထားသည်။
လက်ရှိ ကိုးကန့်ဒေသအခြေစိုက် စစ်ကောင်စီတပ်ရင်း တပ်ရင်း သည် လူသူအင်အားစုဆောင်းပြီး သံလွင်မြစ် အနောက်ခြမ်း မုံးကိုးဒေသ ကို စစ်အင်အားဖြည့်တင်းလျက်ရှိကြောင်း MNDAAက ဆိုသည်။
စစ်ကောင်စီတပ်ရင်းသည် တရုပ်မြန်မာ နယ် စပ်အနီး ဟေးစန်း မြစ် ဆိပ်မှ သံလွင်မြစ် အနောက်ဖက်မုံးကိုးဒေသသို့ ဩဂုတ် ၁၃ရက်တွင် ဖြတ်ကူးဝင်ရောက်ခဲ့ရာ ယင်းတပ်ကို MNDAAက ကြားဖြတ်တိုက်ခိုက်ခဲ့ကြောင်း ထုတ်ပြန်ခဲ့သည်။
ထိုသို့ တိုက်ခိုက်ခံရမှုကြောင့် စစ်ကောင်စီတပ်ရင်းသည် ပြန်လည်ဆုတ်ခွာသွားကြောင်း ဖော်ပြထားသည်။
Public Service Announcement
မြန်မာနိုင်ငံ၌ ကိုဗစ်တတိယ လှိုင်းဖြစ်ပွားနေချိန်တွင် တနိုင်ငံလုံး အခြေနေ ဆိုးရွားနေပြီး စစ်ကောင်စီသည် အာဏာမြဲစေရန် ကိုဗစ် ရောဂါ ကို လက်နက် သဖွယ်အသုံးချခဲ့ကြောင်း၊ ရောဂါ ကာကွယ်တားဆီး ဖို့ မကြိုးပမ်းနိုင်ပဲ စစ်ကောင်စီအခြေစိုက်သည့် နယ်စပ်ဒေသ လူနည်းစု လူမျိုး ဒေသများ၌ ရောဂါပျံ့နှံ့နေကြောင်းလည်း ကိုးကန့်အဖွဲ့၏ ထုတ်ပြန်ချက်၌ ပါရှိသည်။
လက်ရှိမှာ သံလွင်မြစ် အနောက်ဖက်မုံးကိုး ဒေသအခြေစိုက် MNDAA တပ်ဖွဲ့ ဝင် များသည် ရောဂါကာကွယ်တားဆီးမှုလုပ်ငန်းများ လုပ်ဆောင်နေရသည့် အပြင် အချိန်မရွေးထိုးစစ်ဆင်လာနိုင်သည့် စစ်ကောင်စီတပ်များကို အံတုရန် ကြိုတင်ပြင်ဆင်ထားကြောင်း ဖော်ပြထားသည်။
စစ်ကောင်စီတပ်ရင်းမှ ရောဂါကူးစက်ခံ ရသည့် စစ်သားများ စစ်ဖြစ်ပွားရာဒေသ၌ ရောဂါ ပြန့်ပွားမှု ဖြစ်နိုင်ခြေ အတွက်လည်းကြိုတင်ပြင်ဆင်ထားရကြောင်း MNDAAက ဆိုသည်။
MNDAA နှင့် စစ်ကောင်စီတပ်သည် ဇွန်လကတည်းကကွတ်ခိုင်၌လည်းကောင်း ဇူလိုင်လ၌ မုံးကိုးဒေသနှင့် ပန်ဆိုင်းဒေသ၌လည်းကောင်း တိုက်ပွဲများ ဖြစ်ပွားခဲ့သည်။
