ပဲခူးတိုင်း ရွှေကျင်၊ကျောက်ကြီးနဲ့ ထန်းတပက်မြို့နယ်တွေမှာ စစ်ကောင်စီတပ်တွေအင်အားတိုးချဲ့ပြင်ဆင်နေတဲ့အပေါ် တန်ပြန်တိုက်ခိုက်မှုတွေလုပ်သွားမယ်လို့ ပဲခူးပြည်သူ့ကာကွယ်ရေးတပ်ဖွဲ့(ရိုးမ) BPDF(Yoma)က ဒီကနေ့မှာ ကြေညာချက်ထုတ်ပြန်လိုက်ပါတယ်။
စစ်ကောင်စီတပ်သားတွေဟာ အရပ်သားပုံဖမ်းပြီး ယာဉ်ငယ်တွေအသုံးပြုသွားလာနေတဲ့အပြင် အာဏာရှင်တော်လှန်ရေးတပ်သားတွေကိုတိုက်ခိုက်ဖို့ပြင်ဆင်နေတာကြောင့် သြဂုတ် ၁၈ ရက်ကစပြီး စည်းကမ်းချက်တွေအတိုင်း ပြည်သူတွေလိုက်နာပေးကြဖို့ BPDF (Yoma)က ကြေညာချက်မှာ ဖော်ပြပါတယ်။
အဲဒီမြို့နယ်တွေမှာ နေထိုင်ကြတဲ့ ပြည် သူလူထုအနေနဲ့ ည ၉ နာရီကနေ မနက် ၄ နာရီအတွင်း နေအိမ်ခြံဝင်းအပြင်ဘက်မထွက်ကြဖို့နဲ့ အပြင်ထွက်ပြီး လမ်းလျှောက်ခြင်း ဆိုင်ကယ် ကား စက်ပစ္စည်းယန္တရားအသုံးပြု မောာင်းနှင်သွားလာခြင်းတွေ မလုပ်ကြရန် BPDF(Yoma)က မေတ္တာရပ်ခံထားပါတယ်။
