ယောဒေသကာကွယ်​ရေးတပ်ဖွဲ့က မိုင်းခွဲတိုက်ခိုက်၍ စစ်​ကောင်စီတပ်သား၂၀ ဦး​ကျော်​သေ ၊၁၀ ဦးခန့်ဒဏ်ရာရ

ယောဒေသကာကွယ်ရေးတပ်ဖွဲ့က သြဂုတ် ၁၈ရက်ည​နေပိုင်းတွင် အာဏာသိမ်းစစ်​ကောင်စီ၏ ယာဥ်တန်းကို က​လေးနှင့်ဂန့်​ဂေါ် ကားလမ်းတွင် မိုင်းဆွဲတိုက်ခိုက်ရာ စစ်ကောင်စီတပ်ဖွဲ့ဝင် ၂၀ ​ကျော်​သေဆုံးပြီး ၁၀ ဦးခန့်ဒဏ်ရာ ရရှိခဲ့​ကြောင်း ​ယော​ဒေသကာကွယ်​ရေးတပ်ဖွဲ့ကယ​​နေ့ သတင်းထုတ်ပြန်သည်။

“ဩဂုတ်လ ၊ ၁၈ ရက်နေ့၊ နေ့လည်ပိုင်း တွင် ဂန့်ဂေါ မှ ကလေးသို့ထွက်လာသော စစ်ကောင်စီယာဉ်တန်း အစီး ၄၀ ကျော်သည် ဒေသခံများ၏ ဆိုင်ကယ်များကို လုယူသွားရာ အစီး ၂၀ ပါသွားကြောင်းသိရှိရပါသည်။

ညနေ -၄-နာရီခွဲ အချိန်လောက်တွင် ဂန့်ဂေါမြို့ မြောက်ဘက် ၁၅မိုင်နှင့် ၁၆မိုင်ကြား ဖိုးမော်ကြီးကွေ့ အနီးတစ်ဝိုက်၌ စစ်ကောင်စီ ယာဉ်တန်း အစီး (၄၀)ကျော် ကို YDF တပ်ဖွဲ့ဝင် (၈)ဦးမှ မိုင်းခွဲတိုက်ခိုက်ရာ အကြမ်းဖက်စစ်ကောင်စီ၏ ကားနှစ်စီးမိုင်းထိကာ စစ်သား အယောက် ၂၀ကျော် သေဆုံးပြီး ၁၀ ဦးခန့် ပြင်းထန် ဒဏ်ရာ ရရှိသွားခဲ့ပါသည်။

YDF တပ်ဖွဲ့ဝင်များ တစ်ဦးမှ ထိခိုက်ဒဏ်ရာမရှိခဲ့ပါ ကြောင်း YDF မှ သတင်းအတည်ပြုပါသည်” ဟုYawDefenseForce_YDF သတင်းနှင့်ပြန်ကြားရေးတာဝန်ခံက ထုတ်ပြန်ထားခြင်းဖြစ်သည်။

Public Service Announcement