အမျိုးသားညီညွတ်ရေးအစိုးရ(NUG)က လုံခြုံရေး ကူညီပေးနိုင်မည်ဆိုပါက တစ်လအတွင်း စစ်သား ၅၀၀ ခန့် ထွက်လာရန်ရှိကြောင်း အာဏာဖီဆန်ရေးလှုပ်ရှားမှု CDM ပြုလုပ်ထားသည့် အရာရှိများဖြင့် စုဖွဲ့ထားသော People’s Soldiers၏ လူမှုကွန်ရက်စာမျက်နှာတွင် ယမန်နေ့က ဖော်ပြထားသည်။
“ဒီအရေအတွက်ဟာ တိုက်ခိုက်ရေးအင်အား ၅ရင်းစာနဲ့ညီမျှပါတယ်။ ပြည်သူနဲ့ ပြည်သူ့စစ်သားတွေ ပေါင်း စည်းနိုင်ခြင်းဟာ သွေးမြေကျမှု အနည်းဆုံးနဲ့ အောင်ပွဲရနိုင်မဲ့နည်းဗျူဟာ တစ်ခုလည်းဖြစ်ပါတယ်။ ဒါကြောင့် NUG ဘက်က ဌာနတစ်ခုဖွင့်ပြီး စိစစ်ကူညီစေချင်ပါတယ်”ဟု ရေးသားထားသည်။
ယခုရက်ပိုင်းတွင် စစ်ကောင်စီလက်အောက်ခံတပ်မှ စစ်သည်များ လက်နက်အပြည့်အစုံနှင့် ထွက်ပြေးသည့် သတင်းများ ထွက်ပေါ်လျက်ရှိသည်။ ဩဂုတ် ၁၈ရက်ညပိုင်းကပင် ထားဝင်မြို့အနီးရှိ ခလရ (၂၅)တပ်မှ စစ်သား ၂၅ဦး လက်နက်အပြည့်အစုံနှင့်ထွက်ပြေးသွားကြောင်း ကြားသိရသည်ဟု ဒေသခံက ပြောကြားသည်။
ထို့ကြောင့် ဩဂုတ် ၁၉ရက်တွင် ထားဝယ်မြို့၌ စစ်ဆေးမှုများ ယခင်ထက် ပိုမိုတင်းကြပ်စွာ ဆောင်ရွက်နေကြောင်း ၎င်းက ဆိုသည်။
Public Service Announcement
ချင်းပြည်ကာကွယ်ရေးတပ်ဖွဲ့(CDF)ကမူ ပြည်သူနှင့်အတူ ပူးပေါင်းရန်ဆုံးဖြတ်ပြီး လက်နက်အပြည့်အစုံဖြင့် လာရောက်သည့် စစ်ကောင်စီတပ်ဖွဲ့ဝင်များကို ဆုငွေချီးမြှင့်မည့်အပြင် ပြည်ပသို့မဟုတ် လုံခြုံရာနေရာသို့ သွားရန် လုပ်ဆောင်ပေးနိုင်းကြောင်း ထုတ်ပြန်ထားသည်။
