စစ်ကိုင်းတိုင်း ယင်းမာပင်အရှေ့ခြမ်းနှင့် ဆားလင်းကြီးမြောက်ခြမ်းတို့ ရွာပေါင်းစုံသပိတ်စစ်ကြောင်းသည် စစ်အာဏာရှင်ဖြုတ်ချရေးအဖြစ် ယနေ့တွင် ချီတက်ဆန္ဒပြခဲ့ကြသည်။
ရွာပေါင်းစုံသပိတ်စစ်ကြောင်းသည် ‘Reject Military to stop inhumanity၊ Recognize NUG to save democracy’ စာသားပါဗီနိုင်းကိုင်ဆောင်ပြီး စစ်အာဏာရှင်အလိုမရှိကြောင်းကို ၁၆၅ရက်မြောက်အဖြစ် ယနေ့ ချီတက်ခဲ့ခြင်းဖြစ်သည်။
“၁၆၅ ရက်မြောက် စစ်ကိုင်းတိုင်း ယင်းမာပင်အရှေ့ခြမ်း နှင့် ဆားလင်းကြီးမြောက်ခြမ်းတို့ ရွာပေါင်းစုံသပိတ်စစ်ကြောင်းဟာ ယခင်က ကျန်းမာရေး အခြေအနေများကြောင့် လူထုအင်အား လျော့နည်းသွားခဲ့သော်လည်း ယခုအခါ ကျန်းမာရေးအခြေ အနေမှာ ပြန်လည်ကောင်းမွန်လာကြပြီဖြစ်၍ လူထုအင်အားများစွာဖြင့် ပြန်လည်ချီတက်ခဲ့ကြပြီဖြစ်ပါတယ်။
ထိုစစ်ကြောင်းကို မုံရွာမြို့ ပင်မသပိတ်မှ ရဲဘော်များလည်း လာရောက်ပူးပေါင်းပါဝင်ခဲ့ကြပါတယ်”ဟု ပြည်သူ့ မီဒီယာကွန်ယက်-မုံရွာက ထုတ်ပြန်သည်။
Public Service Announcement
