မြင်းခြံမြို့တွင် တပ်မ​တော်သား နှစ်ဦး ပြည်သူ့ရင်ခွင်ခိုလှုံ

မန္တလေးတိုင်း မြင်းခြံမြို့တွင် ယမန်နေ့ညက အာဏာသိမ်းစစ်ကောင်စီတပ်မှ
စစ်သား ၂ ဦး ထွက်ပြေး၍ ပြည်သူ့ရင်ခွင်ခိုလှုံသွားကြောင်းမြို့ခံများက ပြောသည်။

အလင်းရောင်ကျောင်းတွင် တပ်စွဲထားသည့် စစ်ကောင်စီတပ်သားများထဲမှ တပ်သား ၂ ဦးသည် ယမန်နေ့ညက ဆိုင်ကယ်တစ်စီးဖြင့် ထွက်ပြေးသွားခဲ့ခြင်းဖြစ်သည်။ စစ်သား ၂ ဦးထွက်​ပြေးပြီး​နောက်ယနေ့ (စက်တင်ဘာလ ၃ ရက်) နံနက်၃နာရီခန့်မှစ၍ စစ်​ကောင်စီတပ်များက အသွားလာများသည့်နေရာများ၌ ဆိုင်ကယ်နှင့်ကားများအားပိတ်ဆို့ စစ်ဆေးနေကြောင်း မြို့ခံများကပြောသည်။

“လက်နက်တွေလည်း ပါသွားတယ်ကြားတယ်။ ခုထိတော့ ရှာတွေ့သံမကြားသေးဘူး။”ဟု မြင်းခြံမြို့ခံတစ်ဦးက ပြောသည်။

အာဏာသိမ်းစစ်​ကောင်စီ၏ မတရား​သောအမိန့်များကို မနာခံ​​တော့ဘဲ ပြည်သူနှင့် ပူး​ပေါင်းလာ​သော တပ်မ​တော်သားများမှာ ၁၅၀၀ ​ကျော်မှ ၂၀၀၀ အတွင်းရှိလာပြီဖြစ်​ကြောင်း CDM ပြုလုပ်​သောတပ်မ​တော်သားများကို ကူညီ​ပေး​နေ​သော ပြည်သူ့ရင်ခွင်အဖွဲ့က ထုတ်ပြန်ထားသည်။ ထိုအပြင် ယခုရက်ပိုင်းအတွင်မှာပင် ပြည်သူ့ရင်ခွင်ခိုလှုံလာ​သော တပ်မ​တော်သားများစွာရှိ​နေသဖြင့် ၎င်းတို့အဆင်​ပြေရန် ကူညီ​ပေး​နေ​ကြောင်း ပြည်သူ့ရင်ခ့င်အဖွဲ့ မှ ဗိုလ်ကြီးလင်းထက်​အောင်ကလည်း​ ၎င်း၏​ဖေစ့်ဘွခ်တွင်​ရေးသားထားသည်။

Public Service Announcement

အမျိုးသားညီညတ်​ရေးအစိုးရ (NUG) က ပြည်သူ့ရင်ခွင်ခိုလှုံလာ​သောတပ်မ​တော်သားများကို လုံခြုံ​ရေး တာဝန်ယူသည့်အပြင် ၊လုပ်သက် ၊ရာထူး၊ ပင်စင် ၊မိသားစုလုံးခြုံ​ရေး ၊ဘဝ​ရပ်တည်​ရေးများကိုပါတာဝန်ယူစီစဥ် ​ပေးမည်ဖြစ်ပြီး ၊ပြည်သူ့ရင်ခွင်အမြန်ခိုလှုံကြရန် တိုက်တွန်းထားသည်။ ပြည်သူ့ရင်ခွင်မခိုလှုံဘဲ အာဏာသိမ်းစစ်​ကောင်စီ ​တွင်ဆက်လက်တာဝန်ထမ်း​ဆောင်သူများကို PDFနှင့်မဟာမိတ်တပ်ဖွဲ့များက ပြင်းထန်စွာဓါတ်ခတ်အ​ရေးယူမည်ဟုလည်းသတိ့​ပေးထားသည်။

မြင်းခြံမြို့နယ်တွင် ဩဂုတ်လအတွင်း စစ်ကောင်စီ၏ ဥပဒေမဲ့ အဓမ္မ ဖမ်းဆီးခံရသူ စုစုပေါင်း ၄၆ဦး ရှိခဲ့ပြီး ၈လသားကလေးငယ် အပါအဝင် စစ်ကောင်စီကြောင့် အသက်ဆုံးရှုံးခဲ့ရသည့် ပြည်သူ စုစုပေါင်း ၅ ဦးရှိခဲ့၍ ကုသဆဲ ၁ ဦးရှိခဲ့ကြောင်း၊ ၎င်းစာရင်းသည် ညအိပ်ဖမ်းဆီးထိန်းသိမ်း ခံရသူများနှင့် မလွတ်မြောက်သေးသူများအား စာရင်းပြုစုထားခြင်း ဖြစ်ပြီး ကော်မတီမှမသိရှိရသော ဥပဒေမဲ့ ဖမ်းဆီးခံရသူများလည်းရှိနိုင်ကြောင်း မြင်းခြံလူထုလှုပ်ရှားမှုကော်မတီ က သတင်းထုတ်ပြန်ထားသည်။