ချင်းပြည်နယ် ဇိုတုန်ဒေသကိုလာရောက်မဲ့ ကားသမားတွေအနေနဲ့ ပစ္စည်းနဲ့ ခရီးသည်တွေကို စစ်ဆေးရာမှ ကြည်ဖြူစွာလက်ခံရေးအပါအဝင် အချက်(၅)ချက်ကို ချင်းပြည်သူ့ကာကွယ်ရေးတပ်(ဇိုတုန်)က ဒီကနေ့ ထုတ်ပြန်လိုက်ပါတယ်။
ထုတ်ပြန်ချက်ထဲမှာ ဇိုတုန်လာတဲ့ကားသမာတွေ ကြည်ဖြူစွာစစ်ဆေးခံဖို့ ကြေနပ်မှုမရှိရင် တိုင်ကြားဖို့နဲ့ စစ်ကောင်စီက ခေါ်ယူထားတဲ့ ဝန်ထမ်းအလုပ် တင်ဒါလုပ်ငန်းစတာတွေကို လုံးဝမလျှောက်ကြဖို့ဖော်ပြပါတယ်။
ဒါ့အပြင် စစ်ကောင်စီကချမှတ်ထားတဲ့ ဆောက်လုပ်ရေးလုပ်ငန်းတွေကို စက်တင်ဘာလကုန်နောက်ဆုံးထားလုပ်ကိုင်ဖို့နဲ့ ဆက်မလုပ်ဖို့ကိုပါ ထည့်သွင်းထားပါတယ်။
ခရီးသွားပြည်သူတွေအနေနဲ့လည်း ဇိုတုန်နယ်အတွင်း မနက် ၆ နာရီကနေ ည ၆ နာရီအတွင်းသာ သွားလာကြဖို့ သတိပေးထားပြီး CDF-Zotung အမည်ကိုသုံးပြီး အလွဲသုံးစာလုပ်တဲ့ မည်သူ့ကိုမဆို ထိုက်သင့်တဲ့အပြစ်ပေးသွားမယ်လို့ ထုတ်ပြန်ချက်က ဆိုပါတယ်။