ယမန်နေ့က အကြမ်းဖက်စစ်ကောင်စီ၏ ဖမ်းဆီးခံရခဲ့ရသည့် ဟံသာဝတီ ယူနိုက်တက်ကစားသမား ရန်နိုင်အောင် ယနေ့ (စက်တင်ဘာ ၅ ရက်)တွင် ပြန်လွတ် မြောက်ခဲ့ကြောင်း ၎င်းနှင့်နီးစပ်သည့် အသိုင်းအဝိုင်းမှ သိရသည်။
“ရန်နိုင်အောင်က နိုင်ငံရေးကိစ္စကြောင့် ဖမ်းခံရတာ မဟုတ်ပါဘူး။ ရပ်ကွက်ထဲမှာ လူငယ်ချင်းရန်ဖြစ်ပြီး တစ်ဖက်က တိုင်လိုက်တဲ့အတွက် မနေ့က ဖမ်းခံရတာပါ။ ဒီနေ့တော့ အားလုံးညှိနှိုင်းပြီး ပြန်လွတ်လာပါပြီ။ ဒီကလေးက နိုင်ငံရေးနဲ့ပတ်သက်တဲ့ ဘာကိစ္စမှ မရှိပါဘူး ” ဟု ရန်နိုင်အောင်နှင့် နီးစပ်သူတစ်ဦးက ပြောသည်။
ရန်နိုင်အောင်သည် မြန်မာနေရှင်နယ်လိဂ်ကလပ်ဟံသာဝတီယူနိုက်တက်အသင်း၏ ကစားသမားတစ်ဦး ဖြစ်ပြီး စက်တင်ဘာ ၄ရက် နေ့လည်ပိုင်းက ၎င်း၏နေအိမ်၌ စစ်ကောင်စီ၏ ဖမ်းဆီးခံရခြင်း ဖြစ်သည်။