စစ်အာဏာရှင်စနစ် အမြစ်ဖြတ်တိုက်ထုတ်ပြီး အမျိုး သမီးတွေရဲ့ ဦးဆောင်ပါဝင်မှုနဲ့အတူ အနာဂတ် ဖက်ဒရယ်ဒီမိုကရေစီနိုင်ငံတော်သစ်တစ်ရပ် ဖြစ်ထွန်းလာစေရေးအတွက် အမျိုးသမီးမဟာမိတ်အင်အားစုကို တရားဝင် စတင်ဖွဲ့စည်းလိုက်တယ်လို့ ဒီနေ့ကြေညာပါတယ်။
မြေပြင်သပိတ်အင်အားစုအသီးသီးမှာ ပါဝင်လှုပ်ရှားနေကြတဲ့ လူငယ်အမျိုးသမီးတွေနဲ့ ဖွဲ့စည်းထားတဲ့ အဲဒီ မဟာမိတ်အင်အားစုဟာ မြေပြင်အမျိုးသမီးသပိတ်တွေ အားကောင်းလာစေဖို့နဲ့ အခြားသောတော်လှန်ရေး ကဏ္ဍအသီးသီးကို အရှိန်အဟုန်မြှင့်လုပ်ဆောင်ရေးတို့ကို ကြိုးပမ်းသွားမယ်လို့ ဆိုပါတယ်။
ဒါ့အပြင် စစ်မှန်သော ဖက်ဒရယ်ဒီမိုကရေစီနိုင်ငံတော်သစ်တစ်ရပ် ပေါ်ပေါက်လာရေး၊ အနာဂတ် ဖက်ဒရယ်နိုင်ငံတည်ဆောက်ရေးလုပ်ငန်းစဥ်တွေမှာ အမျိုးသမီးတွေရဲ့ ဦးဆောင်ပါဝင်မှုကဏ္ဍ တိုးမြင့်လာစေရေး တို့ကိုလည်း လုပ်ဆောင်သွားမယ်လို့ ဆိုပါတယ်။
အဲဒီရည်မှန်းချက်ပန်းတိုင်တွေ အကောင်ထည်ဖော်ဆောင်ရွက်ရေးကို အမျိုးသမီးမဟာမိတ်အင်အားစု အနေနဲ့ သက်ဆိုင်ရာ အဖွဲ့အစည်းတွေနဲ့ ချိတ်ဆက်ကာ တော်လှန်ရေးကာလ၊ ကြားကာလနဲ့ ပြန်လည်ထူထောင်ရေးကာလတွေမှာ အစဉ်တစိုက်ကြိုးပမ်းလုပ်ဆောင်သွားမယ်လို့လည်း ထုတ်ပြန်ချက်မှာ ဖော်ပြပါတယ်။
Public Service Announcement
အမျိုးသမီးမဟာမိတ်အင်အားစုကို မန္တလေး၊ ရန်ကုန်၊ မုံရွာ(ပင်မ)၊ မုံရွာ-အမြင့်လမ်းဘေးကျေးရွာများ၊ချင်းတွင်း မြစ်အနောက်ဘက်ကျေးရွာပေါင်းစုံ၊ ကလေး၊ ဒီပဲယင်း၊ တန့်ဆည်၊ ထားဝယ်အရှေ့တော၊ ဂန့်ဂေါ စတဲ့အမျိုးသမီးအင်အားစု၊ သပိတ်စစ်ကြောင်းတွေနဲ့ ပါဝင်ဖွဲ့စည်းထားတာဖြစ်ပါတယ်။
