အာဏာသိမ်းမှုအောင်မြင်ပါက ဇာတ်ပွဲများ ကျင်းပကာအောင်ပွဲခံမည်ဟု ကျေးရွာအတွင်းပြောဆိုကြုံးဝါးနေသူ မုံရွာမြို့ နယ်၊သက္ကယ်ကျင်းကျေးရွာမှ စစ်ကောင်စီသတင်းပေးဒလန်တစ်ဦး ယနေ့ ဓါးခုတ်ခံရပြီး သေဆုံးခဲ့သည် မုံရွာဒေသခံများကပြောသည်။
စစ်ကိုင်းတိုင်းဒေသကြီး မုံရွာမြို့ သက္ကယ်ကျင်းရွာမှ အကြမ်းဖက်စစ်ကောင်စီသတင်းပေး ဒလန် အောင်ဝင်းကြည်ဆိုသူကို လူတစ်စုက ကျေးရွာအတွင်း တစ်နေရာတွင် ဓားဖြင့်ခုတ်သွားခြင်းဟု မုံရွာဒေသခံတစ်ဦးကပြောသည်။
“ဒီနေ့(စက်တင်ဘာ ၇)ဖြစ်တာ။ အခုသေတဲ့ဒလံအောင်ဝင်းကြည်က နွားပွဲစား။စစ်ကောင်စီဆန့်ကျင်သူမှန်သမျှရဲ့သတင်းကို စစ်တပ်ကိုပေးနေတာ။ နောက်ပြီး အာဏာသိမ်းတာ အောင်မြင်ရင် ဇာတ်ပွဲတွေ ပျော်ပွဲရွှင်ပွဲတွေ လုပ်ပြီး အောင်ပွဲခံမယ်လို့ ကြိမ်းဝါးထားတဲ့ကောင်”ဟု မုံရွာဒေသခံကဆိုသည်။
အလားတူ စစ်ကိုင်းတိုင်းရှိ မြို့နယ်တစ်ခုတွင်လည်း ဒလန်တစ်ဦး ယနေ့ အသတ်ခံခဲ့ရပြီး အလောင်းအားကောက်မည့်သူမရှိသဖြင့် လမ်းဘေးတွင် ပုံလျက်ရှိနေသည်ဟု သတင်းရရှိသည်။
Public Service Announcement
