မကွေးတိုင်း ရေစကြိုမြို့ အမှတ်(၁) ရပ်ကွက်ရှိ အကြမ်း ဖက်စစ်ကောင်စီ သတင်းပေးဟု သတ်မှတ်ခံထားရသူ ဒလန်မြဝင်းစိန်၏ နေအိမ်ကို ဗုံးဖြင့်တိုက်ခိုက်ခဲ့ကြောင်း ဗိဿနိုးနယ်မြေပြည်သူ့ကာကွယ်ရေးတပ်မတော်က သတင်းထုတ်ပြန်သည်။
အဆိုပါ တိုက်ခိုက်မှုကြောင့် ထိခိုက်သေဆုံးမှုရှိ၊မရှိ အခြေအနေများကို ထုတ်ပြန်ချက်၌ ဖော်ပြမထားပေ။
ရေစကြိုမြို့နယ်အတွင်း နေထိုင်သည့် အကြမ်းဖက်စစ်ကောင်စီ၏ လက်ပါးစေများ၊ သတင်းပေးဒလန်များနှင့် ပြည်သူလူထုနှင့် အတူ ရပ်တည်ခြင်းမရှိဘဲ အကြမ်းဖက်စစ်ကောင်စီ အလိုကျ ပြည်သူလူထုအား ခြိမ်းခြောက်ခြင်း၊ ဖမ်းဆီးနှိပ်စက်ခြင်းများ ဆောင်ရွက်နေသည့် စစ်တပ်နှင့် ရဲဝန်ထမ်းများအပါအဝင် CDM မလုပ်သည့် ဌာနဆိုင်ရာဝန်ထမ်းများ ၎င်းတို့၏ မိသားစုဝင်များ အသက်အိုးအိမ်စည်းစိမ်တို့အား လုံး၀ တာဝန်ယူမည်မဟုတ်ကြောင်းလည်း ဗိဿနိုးနယ်မြေ PDFက သတိ ပေးချက်ထုတ်ပြန်ခဲ့သည်။
ဗိဿနိုးနယ်မြေ ပြည်သူ့ကာကွယ်ရေးတပ်မတော်အနေဖြင့် ပြည်သူ့ကာကွယ်ရေးတပ်ဖွဲ့များနှင့် ပူးပေါင်းကာ စစ်အာဏာရှင်စနစ် အမြစ်ပြုတ်သည်အထိ တိုက်ခိုက်သွားမည်ဖြစ်ကြောင်း ထုတ်ပြန်ခဲ့ပြီး ပြည်သူ လူထုများ ပူးပေါင်းပါဝင်ကြရန် မေတ္တာရပ်ခံထားသည်။
Public Service Announcement
