စစ်ကိုင်းတိုင်း ဝက်လက်မြို့နယ်တွင် ဒေသခံ PDF အဖွဲ့က ရဲကင်းစခန်းတစ်ခု ဝင်ရောက်တိုက်ခိုက်၍ ရဲနှစ်ဦးသေဆုံးသွားကြောင်း ဒေသခံများက ပြောသည်။
ယနေ့( စက်တင်ဘာ၉ ရက်)နံနက် ၉ နာရီခန့်က ဝက်လက်မြို့နယ် ရွှေပန်းကုန်းရွာမှ အကြမ်းဖက်စစ်ကောင်စီ ရဲကင်းစခန်းအားဝက်လက်-PDF မှ ဝင်ရောက်တိုက်ခိုက်ခဲ့ပြီး ရဲသားနှစ်ဦး ကျည်ထိမှန်သေဆုံးကာ ရဲသားအချို့ ထိခိုက်ဒဏ်ရာ ရရှိသွားကြောင်း ဒေသခံများက ပြော သည်။
အကြမ်းဖက်စစ်ကောင်စီတပ်မှ စစ်ကူများ ထပ်မံရောက်ရှိလာ၍ ဝက်လက်-PDF မှ အထိအခိုက်မရှိ အောင်မြင်စွာ ဆုတ်ခွာနိုင်ခဲ့သည်ဟု ဝက်လက် PDF နှင့် နီးစပ်သူများက ဆိုသည်။
“ရဲစခန်းအနီးမှာ ကင်းပုန်းတွေ ချထားပြီး အင်အားထပ်ဖြည့်ထားတယ်။ အရာတော်ဘက်ကနေလည်း စစ်ကားတွေထွက်လာနေတယ်ပြောတယ်” ဟု ဒေသခံတစ်ဦးက ပြောသည်။
Public Service Announcement
အခင်းဖြစ်ပွားရာ ရွှေပန်းကုန်းရွာအတွင်းသို့ စစ်ကောင်စီတပ်များ ဝင်ရောက်ရှာဖွေမှုများ ပြုလုပ်နေပြီး နေအိမ်တစ်အိမ်မှ ကားတစ်စီးယူသွားခဲ့ကြောင်း ဒေသခံတို့ကပြောသည်။
