အွန်လိုင်းပေါ်တွင်ယနေ့ ပျံ့နှံ့နေသောအကြမ်းဖက်စစ်ကောင်စီတပ်ဖွဲ့ဝင်တစ်ဦး ရှေ့တွင် နှိပ်စက်ခံထားရသောဒဏ်ရာများဖြင့်လက်တစ်ဖက်စီကိုကြိုးတုတ်ခံထားရပြီး ဒူးထောက်လျှက် လက်သုံးချောင်းထောင်နေသောလူငယ်နှစ်ဦးမှာ ဒီမော့ဆိုမြို့နယ် ၊ စံပြ (၆)မိုင်ကျေးရွာမှ စစ်ဘေးဒုက္ခသည် မောင်ပါစကွားလယ် နှင့် မောင်ဖီဒေးလယ် တို့ နှစ်ဦးဖြစ်ကာ အပစ်မဲ့ပြည်သူများကို အာဏာသိမ်းစစ်ကောင်စီက မတရားဖမ်းဆီး ရက်ရက်စက်စက်သတ်ဖြတ်နေသောလုပ်ရပ်ကို ဒီမောဆိုး PDF ကလက်တုံ့ပြန်မည်ဟု ထုတ်ပြန်သည်။
မြေပြင်သတင်းအတည်ပြုချက်အရ ဖမ်းဆီးခံရသူနှစ်ဦးမှာ စံပြ (၆)မိုင်ကျေးရွာ ကယောပိုင်းတွင်
နေထိုင်ကြသူများဖြစ်ပြီး စက်တင်ဘာလ (၈) ရက်နေ့မှာ ရွာ ကို ခေတ္တပြန်စဥ် စစ်ကောင်စီတပ်က ဖမ်းဆီးခံရခြင်း ဖြစ်ပြီး ၎င်းတို့မှာ PDF မဟုတ်ကြဘဲ စစ်ရှောင်နေကြသည့်အသက်မပြည့်သေးသောကလေးများသာဖြစ်သည်ဟုလည်းဖော်ပြထားသည်။
“အပြစ်မဲ့ စစ်ရှောင်နေကြသော ပြည်သူလူထုများအား မတရား ဖမ်းဆီး ရက်ရက်စက်စက်သတ်ဖြတ်နေသောလုပ်ရပ်များကို ပြည်သူ့ကာကွယ်ရေးတပ် – ဒီးမော့ဆိုမြို့နယ် DMO PDF မှ လုံးဝ လက်တုံ့ပြန်ဆောင်ရွက်မည် ဖြစ်သည်” ဟု သတိ့ပေးထားခြင်းဖြစ်သည်။
အဆိုပါလူငယ်နှစ်ဦး၏ စစ်အာဏာရှင်ဆန့်ကျင်သော သကေ်တဖြစ်သော လက်သုံးချောင်းထောင်နေသော ပုံမှာ ယနေ့ သတင်းဌာန များနှင့် ဖေစ်ဘွခ်တွင် လူစိတ်ဝင်စားဆုံးအကြောင်းအရာဖြစ်သည်။ ထိုဓါတ်ပုံကို စတင်ခဲ့သည်ဟု ယူဆရသော စစ်ကောင်စီတပ်ဖွဲ့ဝင် ရဲတစ်ဦးဖြစ်သော A T Zaw အမည်ရှိဖေစ်ဘွခ်အကောင့်ပိုင်ရှင်က “ခေါင်းထဲကို ကြည်ပြစ်မသွင်းခင် ကိုယ်ကြိုက်တာ ကိုယ်လုပ်ခွင့်ပေးလိုက်ချိန် ” ဟု ယနေ့ နေ့ခင်းပိုင်းတွင်လှောင်ပြောင်၍ တင်ခဲ့သည်။ဖေစ့်ဘွခ်တွင် လူပြောများလာပြီးနောက်ထိုပိုစ်ကို ပြန်ဖျက်သွားသည် ကိုတွေ့ရသည်။
Public Service Announcement
