မန္တလေးတိုင်း တောင်သာမြို့နယ် တောင်သာ-ဇဂျမ်း ကားလမ်း ပေါ်ရှိသံလမ်းကူးနေရာတွင် သဲအိပ်အကာ အကွယ်များနှင့် ဂိတ်စောင့်နေသည့် စစ်ကောင်စီတပ်သားများကို ယနေ့ မွန်းလွှဲ၂နာရီခန့်က တိုက်ခိုက်ခဲ့ရာ စစ်ကောင်စီဘက်မှ တစ်ဦးသေဆုံးခဲ့ကြောင်း မြေလတ်ပြည်သူ့ကာကွယ်ရေးတပ်ဖွဲ့ (PDF)က သတင်းထုတ်ပြန်သည်။
ထိုသို့ တိုက်ခိုက်ပြီး PDF (မြေလတ်)တပ်ဖွဲ့မှ ပြန်လည်ဆုတ်ခွါလာစဉ် လမ်းတစ်နေရာ၌ ကင်းပုန်းဝပ်နေသည့် စစ်ကောင်စီတပ်များက လိုက်လံပစ်ခတ်မှုရှိသော်လည်း PDF ဘက်က ကျဆုံးမှုမရှိဟု ဆိုသည်။
အဆိုပါ တိုက်ခိုက်မှုကို မြင်းခြံမြို့နယ်အတွင်း လှုပ်ရှားသည့် Zero ပြောက်ကျားအဖွဲ့ နှင့် SEVEN PDF တို့က ပါဝင်ပံ့ပိုးကူညီခဲ့သည်ဟုလည်း ဖော်ပြထားသည်။
ယင်းဖြစ်စဉ်တွင် စစ်ကောင်စီတပ်၏ ပစ်ခတ်မှုကြောင့် ကုန်တင်ကားတစ်စီး ကျည်ထိမှန်ခဲ့ကြောင်း မြင်းခြံခရိုင် PDFက သတင်းထုတ်ပြန်ထားသည်။
Public Service Announcement
