အင်တာနက်ပဲဖြတ်လို့ရမယ် တော်လှန်စိတ်ကို သတ်လို့မရလို့ ကြွေးကြော်ပြီးတော့ အရာတော်မြို့မှ လူငယ်များက ဒီကနေ့ ဆန္ဒထုတ်ဖော်ခဲ့ကြပါတယ်။
အာဏာသိမ်းစစ်ကောင်စီက စစ်ကိုင်းတိုင်းမှာ အရာတော်မြို့နယ်အပါ အဝင် မြို့နယ်အများစုကိုအင်တာနက်ဖြတ်တောက်ထားပြီးတော့ စစ်ရေးပြင်ဆင်မှုတွေလုပ်နေပါတယ်။ အကြမ်းဖက်စစ်ကောင်စီတပ်တွေ ရက်စက်စွာဖိနှိပ်နေပေမယ့် ဒီနေ့(စက်တင်ဘာ ၁၇ ရက်)မှာအရာတော်မြို့နယ် ကျောင်းသားများသမဂ္ဂနဲ့ အရာတော်မြို့နယ်က ကျောင်းသားလူငယ်တွေနဲ့၊ ပြည်သူတွေက “အင်တာနက်ကိုပဲဖြတ်လို့ရမယ် တော်လှန်စိတ်ကိုသတ်လို့မရ” ဆိုတဲ့ စာတန်းကို ကိုင်ဆောင်ပြီးတော့စစ်အာဏာရှင်အမြစ်ပြတ်ချေမှုန်းရေးအတွက် ချီတက်ဆန္ဒပြခဲ့ကြတာဖြစ်ပါတယ်။
အရာတော်မြို့နယ်မှာစစ်ကောင်စီကို ဆန့်ကျင်ဆန္ဒပြနေတဲ့ ကျေးရွာတွေနဲ့ PDF ရှိတယ်ဆိုတဲ့ ရွာတွေကို ရွှေ့ပြောင်းမယ်လို့စစ်ကောင်စီက ဒီတစ်ပါတ်အတွင်းမှာ ခြိမ်းခြောက်ထားပါတယ်။
အဲလို ခြိမ်းချောက်ထားတဲ့ စာရွက်တွေကို အရာတော်မြို့နယ်အတွင်းစစ်ကောင်စီက ဖြန့်ဝေကာ ခြိမ်းခြောက်ထားတာပါ။
Public Service Announcement
