အမေရိကန်နဲ့ ဩစတြေးလျ နိုင်ငံခြားရေးနဲ့ ကာကွယ် ရေးဝန်ကြီးတွေက မြန်မာ့အရေးကို အလွန်အမင်းဆက် လက်စိုးရိမ်ကြောင်းနဲ့ ဒီမိုကရေစီစနစ်ဆီအမြန်ဆုံးပြန် သွားဖို့ တောင်းဆိုလိုက်ပါတယ်။
ဩစတြေးလျ-အမေရိကန် ဝန်ကြီးများအဆင့်ဆွေးနွေးပွဲ(AUSMIN)ကို ဝါရှင်တန်မြို့တော်မှာ ကျင်းပခဲ့ပြီး နှစ်နိုင်ငံ ဝန်ကြီးတွေရဲ့ပူးတွဲကြေညာချက်မှာ မြန်မာ့အရေးကို ထည့်သွင်းဖော်ပြကာ အကြမ်းဖက်မှုရပ်တန့်ရေးနဲ့ နိုင်ငံရေး အကျဉ်းသားတွေ၊ မတရားသဖြင့်ဖမ်းဆီးခံထားရသူတွေ ပြန်လွှတ်ပေးရေးတို့ကို ထည့်သွင်းတောင်းဆိုခဲ့ပါတယ်။
နှစ်နိုင်ငံခေါင်းဆောင်တွေဟာ မြန်မာနိုင်ငံမှာ ဖမ်းဆီးခံထားရတဲ့ ဩစတြေးလျနိုင်ငံသား စီးပွားရေးပညာရှင် ပါမောက္ခရှောင်တာနဲလ်နဲ့ အမေရိကန်နိုင်ငံသား သတင်းသမား ဒန်နီဖန်စတာတို့ကို ပြန်လွှတ်ပေးဖို့ တိုက်တွန်းခဲ့ ပါတယ်။
မြန်မာနိုင်ငံမှာ ပါတီအဖွဲ့အစည်းအားလုံးပါဝင်တဲ့တွေ့ဆုံဆွေးနွေးဖို့နဲ့ လူသားချင်းစာနာမှုအကူအညီတွေကို နှောင့် နှေးကြန့်ကြာမှုမရှိဘဲ ချက်ချင်းခွင့်ပြုဖို့ဩစတြေးလျ-အမေရိကန်ဝန်ကြီးတွေက ပြောပါတယ်။
Public Service Announcement
ဒါ့အပြင် နှစ်နိုင်ငံစလုံးဟာ မြန်မာ့အရေးအတွက် အာဆီယံရဲ့အထူးကိုယ်စားလှယ်ခန့်အပ်မှုကိုလည်း ထောက်ခံ ကြောင်းနဲ့ အာဆီယံကချမှတ်ထားတဲ့ ဘုံဆုံးဖြတ်ချက် ၅ ရပ်ကို အကောင်အထည်ဖော်ဖို့တိုက်တွန်းကြောင်း ထုတ် ဖော်ပြောဆိုခဲ့ပါတယ်။
