Connect with us

Hi, what are you looking for?

LuduNwayOo

သတင်း

ကာကွယ်ရေးဝန်ကြီးဦးရည်မွန် မန္တလေး PDF တိုက်ပွဲဝင်နေသည့်ရှေ့တန်းစစ်မြေပြင်သို့ သွားရောက်

MDY-PDFသည် ယခု ဧပြီအတွင်း မန္တလေးတိုင်း ပြင်ဦးလွင်မြို့နှင့် (၁၀)မိုင်အကွာရှိ သရက်ကုန်း ကျေးရွာ စစ်စခန်း တိုက်ခိုက်သိမ်းပိုက် နိုင်မှုကို အသိပေးထားသည်။

(စစ်မြေပြင် ရှေ့တန်းတနေရာ၌ တွေ့ရသော ဝန်ကြီးဦးရည်မွန်။ ဓာတ်ပုံ - မန္တလေး PDF)
(စစ်မြေပြင် ရှေ့တန်းတနေရာ၌ တွေ့ရသော ဝန်ကြီးဦးရည်မွန်။ ဓာတ်ပုံ - မန္တလေး PDF)

▪️နောင်ချိုနယ် သရက်ကုန်းရွာစခန်းပြန်ရရေး ထိုးစစ်ဆင်လာသည့် စစ်ကောင်စီတပ် MDY-PDF၏ တိုက်ခိုက်မှုကြောင့် တစ်ပတ်အတွင်း ၆၀ဦးခန့် သေဆုံးဟု အသိပေး

ဟန်နွေ/People’s Spring

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်သည် မန္တလေး ပြည်သူ့ကာကွယ်ရေးတပ်မတော်(MDY-PDF) တိုက်ပွဲဝင်နေသည့် ရှေ့တန်းစစ်မြေပြင်သို့ သွားရောက်ခဲ့ကြောင်း ကာကွယ်ရေးဝန်ကြီးဌာနက ယနေ့ ထုတ်ပြန်သည်။

စစ်မြေပြင်သို့ သွားရောက်ခဲ့သည့် နေ့ရက်နှင့် ဒေသကို ဖော်ပြမထားသော်လည်း ဧပြီလလယ်မှစ၍ MDY-PDFက ဆင်နွှဲခဲ့သည့် စစ်ဆင်ရေးနှင့် စခန်းသိမ်းတိုက်ပွဲများအကြောင်း အသိပေးထားပြီး စစ်ကောင်စီတပ်များသေဆုံးထိခိုက်မှု၊ လက်နက်ခဲယမ်း သိမ်းဆည်းရရှိမှုများကို ဖော်ပြသည်။

MDY-PDFသည် ယခု ဧပြီအတွင်း မန္တလေးတိုင်း ပြင်ဦးလွင်မြို့နှင့် (၁၀)မိုင်အကွာရှိ သရက်ကုန်း ကျေးရွာ စစ်စခန်း တိုက်ခိုက်သိမ်းပိုက် နိုင်မှုကို အသိပေးထားသည်။

Public Service Announcement

Public Service Announcement

MDY-PDFသည် ဧပြီ ၁၄ရက် သင်္ကြန်အကျနေ့တွင် ပြင်ဦးလွင်မြို့ရှိ DSA စစ်တက္ကသိုလ်ကျောင်းဝန်း အတွင်းသို့ ရှော့တိုက်ဒုန်းအလုံး (၂၀)ဖြင့် ပတ်ခတ်တိုက်ခဲ့ပြီးနောက်

ဧပြီ ၁၅ရက် နံနက်အစောပိုင်းတွင် ပြင်ဦးလွင်မြို့အနီး နောင်ချိုမြို့နယ် သရက်ကုန်းရွာရှိ စစ်ကောင်စီတပ်ကို ထိုးစစ်ဆင်တိုက်ခိုက်ခဲ့သည်။

DSAကို တိုက်ခိုက်မှု စစ်ကောင်စီတပ်များ ထိခိုက်မှု အခြေအနေ စုံစမ်းနေဆဲဖြစ်ကြောင်း MDY PDF ယခင်က အသိပေးထားသည်။ သရက်ကုန်းတိုက်ပွဲတွင် စာသင်ကျောင်းနှင့် သာသနိက အဆောက်အဦးများ၌ အကာအကွယ်ယူ တပ်စွဲထားသည့် စစ်ကောင်စီတပ်များကို ရှင်းလင်းနိုင်ပြီးလက်နက်ခဲယမ်းများ ရရှိခဲ့ကြောင်း MDY-PDFက ထုတ်ပြန်ထားသည်။

သရက်ကုန်း စခန်းသိမ်းတိုက်ပွဲ၌ ရန်သူ့ဘက်မှ လေကြောင်းတိုက်ခိုက်မှု (၆)ကြိမ် ပြုလုပ်ခဲ့ပြီး တစ်နေကုန်တိုက်ပွဲပြင်းထန်ခဲ့ရာ ဧပြီ ၁၅ရက် ညနေပိုင်း၌ပင် စခန်းအား အပြီးသတ် သိမ်းနိုင်ခဲ့သည်ဟု ဆိုသည်။

ရှမ်းပြည်နယ်(မြောက်ပိုင်း)၊ နောင်ချိုမြို့နယ်ရှိ သရက်ကုန်းကျေးရွာသည် အကြမ်းဖက် စစ်ကောင်စီ၏ စစ်တက္ကသိုလ်(DSA) တည်ရှိရာ ပြင်ဦးလွင်မြို့နှင့် (၁၀)မိုင်အကွာတွင် တည်ရှိသည်ဟု ကာကွယ်ရေးဝန်ကြီးဌာနက ထုတ်ပြန်သည်။ တိုက်ပွဲအတွင်း စစ်ကောင်စီတပ်၏ လက်နက်ကြီးနှင့် လေယာဉ်ဗုံးကြဲ တိုက်ခိုက်မှုများကြောင့် အရပ်သား နေအိမ်များလည်း ထိမှန်ပျက်စီးမှုများရှိခဲ့ဟု အသိပေးထားပြီး စစ်ကောင်စီဘက်မှ သေဆုံးမှုများပြီး ထိခိုက်မှုများစွာရှိခဲ့ကြောင်း ထုတ်ပြန်သည်။

ထို့ပြင် လက်နက်ကြီး၊ လက်နက်ငယ်မျိုးစုံအပါအဝင် ခဲယမ်းအမြောက်အများရရှိခဲ့သည်ဟု ကာကွယ်ရေးဝန်ကြီးဌာနက ဖော်ပြသည်။

စစ်ကောင်စီတပ်မှ သရက်ကုန်းကျေးရွာအား ပြန်လည်ရရှိရန် ဧပြီ ၁၉ရက်မှ စ၍ ကြည်းကြောင်း၊ လေကြောင်းဖြင့် ပြင်းထန်စွာ တန်ပြန်ထိုးစစ်ဆင်လျက်ရှိရာ ယင်းနေ့၌ပင် စစ်ကောင်စီဘက်က ၁၅ဦးခန့်သေဆုံးခဲ့ကြောင်း၊ ဧပြီ ၂၀ရက်တိုက်ပွဲတွင် PDF ရဲဘော် ၂ဦး ကျဆုံးခဲ့ကြောင်း အသိပေးသည်။

ဧပြီ ၂၁ရက်တိုက်ပွဲတွင် ရန်သူ့တပ်သား (၁၃) ဦး သေဆုံးပြီး (၁၅)ဦးခန့် ထိခိုက်ဒဏ်ရာ ရရှိခဲ့ကြောင်း၊ ယင်းနေ့၌ပင် အကြမ်းဖက်စစ်ကောင်စီတပ်သည် စစ်ရေးပစ်မှတ် မဟုတ်သော သာသနာ့အဆောက်အဦးများ ဖြစ်သည့် ပါဟက်ရွာ ဘုန်းကြီးကျောင်း၊ ဇာလီရွာ ဘုန်းကြီးကျောင်း၊ သရက်ကုန်း ဘုန်းကြီးကျောင်းများသို့ လေကြောင်းတိုက်ခိုက်မှု (၇) ကြိမ် ပြုလုပ်ခဲ့ကြောင်း ကာကွယ်ရေးဝန်ကြီးဌာနက ထုတ်ပြန်ခဲ့သည်။

ဧပြီ ၂၂ရက် ညပိုင်းတွင် ရန်သူ့တပ်၏ လက်နက်ကြီး တည်နေရာသို့ ဒရုန်းဖြင့် တိုက်ခိုက်ခဲ့ရာ ရန်သူ့တပ်သား (၃)ဦး သေဆုံးပြီး (၇) ဦး ထိခိုက်ဒဏ်ရာ ရရှိခဲ့ကြောင်း၊ ဧပြီလ (၂၃) ရက်နေ့၊ မနက်ပိုင်းတွင် ထိတွေ့ တိုက်ပွဲ ပြင်းထန်စွာ ဖြစ်ပွားခဲ့ပြီး ရန်သူ့တပ်သား (၁၅) ဦးခန့် သေဆုံးခဲ့ကြောင်း ဖော်ပြသည်။ ဧပြီလ (၂၄) ရက်နေ့တွင် လက်နက်ကြီးဖြင့် အပြန်အလှန် ပစ်ခတ်တိုက်ခိုက်ခဲ့သည်ဟုဆိုသည်။

ဧပြီ၂၅) ရက် နေ့လယ်တွင် တိုက်ပွဲ ဖြစ်ပွားခဲ့ရာ ရန်သူ့တပ်သား (၁၃)ဦးခန့် သေဆုံးပြီး (၁၆) ဦးခန့် ထိခိုက်ဒဏ်ရာ ရရှိခဲ့သည်ဟု ကာကွယ်ရေးဝန်ကြီးဌာနက ထုတ်ပြန်သည်။

တိုက်ပွဲများအတွင်း စစ်တပ်သည် လေကြောင်းတိုက်ခိုက်မှု (၃၂) ကြိမ်ပြုလုပ်ခဲ့ရာ စစ်ရေးပစ်မှတ် မဟုတ်သည့် သာသနာ့အဆောက်အဦးများ ဖြစ်သည့် ဘုန်းကြီးကျောင်းများအတွင်းသို့ (၂၆)ကြိမ် ကျရောက်ခဲ့ပြီး ပြည်သူများ နေထိုင်သည့် ကျေးရွာများအတွင်းသို့ (၈) ကြိမ် ကျရောက်ပေါက်ကွဲခဲ့ကြောင်း ဖော်ပြခဲ့သည်။

ဆက်စပ်သတင်းများ

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။

သတင်း

စစ်မြေပြင်၌ ခွဲခြားရန်ခက်ခဲသော်လည်း အရှင်ဖမ်းဆီးရရှိသည့် စစ်သုံ့ပန်းများထဲမှ အဓမ္မ စစ်မှုထမ်းရသူများအရေးကို စိစစ်ဆောင်ရွက် ပေးလို့ရကြောင်း ၎င်းက ပြောသည်။