Connect with us

Hi, what are you looking for?

LuduNwayOo

သတင်း

မုံရွာနမခတိုက်ခိုက်မှု စစ်အုပ်စုအထိအခိုက်များဟု တိုက်ခိုက်​သောအဖွဲ့များ​ပြော

အနောက်မြောက်တိုင်းစစ်ဌာနချုပ်ဝင်းအတွင်းကို ဧပြီလ ၂၄ရက် ည ၇နာရီခန့်တွင် ပြည်သူ့ကာကွယ်ရေးပူးပေါင်းတပ်ဖွဲ့များက တိုက်ခိုက်ခဲ့ခြင်းဖြစ်သည်။

(နမခအား တိုက်ခိုက်ရာတွင် အသုံးပြုခဲ့သော ရော့ကတ်နှင့် ဒရုန်းများအား တွေ့ရစဥ်။ ဓာတ်ပုံ-KLG)
(နမခအား တိုက်ခိုက်ရာတွင် အသုံးပြုခဲ့သော ရော့ကတ်နှင့် ဒရုန်းများအား တွေ့ရစဥ်။ ဓာတ်ပုံ-KLG)

​အောင်​ဇေယျ ၊နန်းနောင့်နောင့်/People’s Spring

စစ်ကိုင်းတိုင်း၊ မုံရွာမြို့မှ အနောက်မြောက်တိုင်းစစ်ဌာနချုပ် (နမခ)ဇေယျာသီရိခန်းမ၌ တိုင်းမှူးပါဝင်သည့် အစည်းအဝေးပြုလုပ်နေစဉ် ရော့ကက် ၂၀လုံးပစ်ခတ်တိုက်ခိုက်ခဲ့ရာ ၉ နေရာထက်မနည်း ထိမှန်ခဲ့ပြီး စစ်အုပ်စုအထိအခိုက်များကြောင်း KLG PDF – ကျောက်လုံးကြီးတပ်ဖွဲ့၏ တာဝန်ရှိသူက ပြောသည်။

အနောက်မြောက်တိုင်းစစ်ဌာနချုပ်ဝင်းအတွင်းကို ဧပြီလ ၂၄ရက် ည ၇နာရီခန့်တွင် ပြည်သူ့ကာကွယ်ရေးပူးပေါင်းတပ်ဖွဲ့များက တိုက်ခိုက်ခဲ့ခြင်းဖြစ်သည်။

“နမခကိုတိုက်ဖို့ အချိန် နှစ်လလောက်ကြိုတင်ပြင်ဆင်ခဲ့ရတယ်။ အခုသွားရောက်တိုက်ခိုက်တာက နမခ ခြံစည်းရိုးအနီးကို ကပ်ပြီး တိုက်ခိုက်ခဲ့တာ။ နမခကို စုစုပေါင်း သုံးကြိမ်တိုက်ခိုက်မှုမှာ ဒီတစ်ခါကတော့ အားရကျေနပ်ဆုံးပဲ။ နမခထဲ ဘယ်နား ဘာရှိတာကအစ ဖရဲသီး သတင်းပေးကလဲ ကောင်းလို့ပါ။”ဟု KLG PDF – ကျောက်လုံးကြီးတပ်ဖွဲ့၏ တာဝန်ရှိသူက ပြောသည်။

Public Service Announcement

Public Service Announcement

(နမခအား တိုက်ခိုက်ရာတွင် အသုံးပြုခဲ့သော ရော့ကတ်နှင့် ဒရုန်းများအား တွေ့ရစဥ်။ ဓာတ်ပုံ-KLG)
(နမခအား တိုက်ခိုက်ရာတွင် အသုံးပြုခဲ့သော ရော့ကတ်နှင့် ဒရုန်းများအား တွေ့ရစဥ်။ ဓာတ်ပုံ-KLG)

ထိုတိုက်ခိုက်မှုကြောင့် တိုင်းစစ်ဌာနချုပ်အတွင်းရှိ အစည်းအဝေးပြုလုပ်နေသည့် ဇေယျာသီရိခန်းမ ရှော့တိုက်ရော့ကတ် ထိမှန်ခဲ့ပြီး တိုင်းအရာရှိအကြီး ၂ ဦးအပါအဝင် တိုင်းအရာရှိများ ထိခိုက်သေဆုံးမှုရှိကြောင်း၊ဗဟိုကင်းကိုလည်း ရှော့တိုက်ရော့ကတ် ထိမှန်ပေါက်ကွဲပြီး ဗိုလ်မှူးအပါအဝင် တပ်စိတ် ၁ စိတ်မှာ ထိခိုက်သေဆုံးခဲ့ကြောင်းအထက်ပါတာဝန်ရှိသူက ပြောသည်။

တိုင်းစစ်ဌာနချုပ်ရှိဇေယျာသီရိခန်းမ၊ဗဟိုကင်း၊တိုင်းရုံးကင်း၊ စစ်တိုင်းမှူးအိမ်ယာဝန်း၊ စစ်မြေပြင် ဆေးတပ်ရင်း (မဆရ ၇)၊ တပ်ဆေးရုံအရာရှိရိပ်သာ၊

ထောပ်ပို့ရေးရိက္ခာသိုလှောင်ရုံ၊ စရဖရုံးတို့ကို ထိမှန်ခဲ့ပြီး ထိခိုက်သေဆုံးမှု များပြားခြင်းဟုKLG PDF – ကျောက်လုံးကြီးတပ်ဖွဲ့က သတင်းထုတ်ပြန်သည်။

“နမခထဲမှာ အခြေအနေက တော်‌တော် ရှုပ်ထွေးသွားပြီး လေကြောင်းကပါ ကင်းပတ်တော့တာ။ သေဆုံးတဲ့အထဲမှာ အရာရှိတွေရော ကင်းသမားတွေပါ ပါတယ်။ အသေးစိတ်အတည်ပြုချက်ကတော့ ထပ်ထုတ်မယ်” ဟု ယင်းမာပင်ခရိုင်မှ ပြည်သူ့ကာကွယ်ရေးရဲဘော်တစ်ဦးကပြောသည်။

တိုက်ခိုက်ခံရပြီးနောက် နမခ အမြောက်တပ်( ၅၀၈)မှ ဟောင်ဝစ်ဇာ လက်နက်ကြီးများဖြင့်ဘေးပတ်ဝန်းကျင်ပြည်သူ့ရွာများကို ရမ်းသမ်းပစ်ခတ်ခဲ့သည်။တိုင်းမှူး သန်းထိုက်က လေကြောင်းအကူ အရေးပေါ်ခေါ်ကာ ည ၉နာရီတွင် တံတားဦးလေတပ်စခန်းမှ Yak-130 တိုက်​လေယာဥ် ဖြင့် နမခ တပ်နယ်နှင့် မုံရွာယာယီလေတပ်ဆွယ်ဝန်းကျင်သို့ ကင်းပတ်ခဲ့ကြောင်း ဟုKLG PDF – ကျောက်လုံးကြီးတပ်ဖွဲ့က သတင်းထုတ်ပြန်သည်။

အဆိုပါ တိုက်ခိုက်မှုကို ယင်းမာပင်ခရိုင် တပ်ရင်း ၂၁၊ ၂၂ ၊ ၂၃ KLG PDF – ကျောက်လုံးကြီးတပ်ဖွဲ့နှင့်အတူ Chindwin Rocket Brothers -(C.R.B)Dragon Brothers Task Force-DBTF၊Advance-47၊ Chindwin Brothers, ချိုမိုင်မိုင် ကနီ၊ချိုမိုင်မိုင် ယင်းမာပင်၊မုံရွာခရိုင်တပ်ရင်း(၁၃)တို့က ပူးပေါင်းဆောင်ရွက်ခဲ့ခြင်းဖြစ်သည်။

တိုက်ခိုက်ချိန်၌ လေကြောင်းရန်ကာကွယ်ရေး လေကြောင်းကင်းထောက်ပေးခဲ့သည့် Nationawide Air Scout-NAS ကို ကျေးဇူးတင်ရှိကြောင်း ပြည်သူ့ကာကွယ်ရေးပူးပေါင်းတပ်ဖွဲ့များက သတင်းထုတ်ပြန်ထားသည်။

ပြီးခဲ့သည့် ‌ဖေဖော်ဝါရီလ ၁၅ရက်ကလည်း ယင်းမာပင်ခရိုင်တပ်ရင်း(၃၇)နှင့် ဒေသ ကာကွယ်ရေးတပ်ဖွဲ့အချို့ကလည်း အနောက်မြောက်တိုင်းစစ်ဌာနချုပ်ကို လက်နက်ကြီးများဖြင့် ပစ်ခတ်တိုက်ခိုက်ခဲ့သည်။

စစ်ကောင်စီသည် အနောက်မြောက်တိုင်းစစ်ဌာနချုပ်၏ ဘေးပတ်ဝန်းကျင် ၅မိုင်မှ၁၀မိုင်ကွာရှိကျေးရွာများကို ပြီးခဲ့သည့် ဇန်နဝါရီလမှစ၍ စစ်ကြောင်းထိုးမီးရှို့ဖျက်ဆီးနေသည်။

စစ်ကောင်စီက မီးရှို့ဖျက်စီးခဲ့သောကြောင့် နမခ အနီးရှိ ဆုံကုန်း၊ ဘူးတောင်းကန်၊တဲကြီးကုန်း၊ပေကုန်း၊ခိုးသန်းနှင့်ကြီးဗဒုံရွာများမှ ဒေသခံအများအပြား၏ နေအိမ်များပျက်စီးဆုံးရှုံးခဲ့သည်။

ဆက်စပ်သတင်းများ

ဘာသာပြန် ဆောင်းပါး

အဇက်ဒ်က ဇိုလန်း PDF အဖွဲ့ဝင်တွေကို စနိုက်ပါ လက်ဖြောင့်ရိုင်ဖယ် ပစ်ခတ်နည်းနဲ့ ခြေလျင်တပ်သားတွေအတွက် လိုအပ်တဲ့ လေ့ကျင့်မှုတွေ ထောက်ပံ့သင်ကြားပေးရုံသာ မကဘဲ ကင်းထောက်နဲ့ တခြားစစ်ရေး တာဝန်တွေကိုပါ တွဲယူထားတယ်လို့ ဆိုပါတယ်။

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။