'/%3E%3C/svg%3E){kind=small}
မန္တလေးတိုင်း သပိတ်ကျင်းမြို့နယ် ပေါက်တပင် ကျေး ရွာတွင် မိုးသည်းထန်စွာရွာသွန်းပြီး တောင်ကျချောင်းရေများ ကျဆင်းလာမှုကြောင့် လူနေအိမ်အချို့ ပျက်စီးပြီး တိရိစ္ဆာန်များ မျောပါသွားကြောင်း ဒေသခံများက ပြော သည်။
ပေါက်တပင်ကျေးရွာတွင် ယနေ့(စက်တင်ဘာ ၁၉ ရက်နေ့) နံနက် ၁ နာရီခန့်မှ ၅နာရီခန့်အထိ မိုးသည်းထန်စွာ ရွာသွန်းမှု့ကြောင့် ရွာနှင့်နီးသည့် နန်းစိန်ချောင်း တွင် ရေကြီး ရေလျှံမှုများ ဖြစ်ခဲ့ကြောင်း ဒေသခံများက ပြောသည်။
တောင်ကျချောင်းရေများသည် ရွာအတွင်းရှိ အိမ်များအတွင်း ဝင်ရောက်ခဲ့ပြီး ချောင်းအနီးရှိ လူနေအိမ်များမှ မွေးမြူထားသော ဆိတ်များလည်း ရေထဲမျောပါသွားကာ ဝက်နှင့်ကြက်အချို့လည်း ရေထဲမျောပါသွားကြောင်းဒေသခံများက ပြောသည်။
“လူတွေကတော့ ဘေးကင်းပါတယ်။ ရေတွေဝင်လာလို့ တစ်ရွာလုံးတော့ ဒုက္ခရောက်နေတယ်။ကူညီကယ်ဆယ်ရေးလည်း တစ်ခုမှမရှိဘူး”ဟု ဒေသခံတစ်ဦးက ပြော သည်။
Public Service Announcement
သပိတ်ကျင်းမြို့နယ်အပြင် မြန်မာနိုင်ငံအထက်ပိုင်းရှိ ဒေသအချို့တွင် မိုးသည်းထန်စွာရွာသွန်းမှုကြောင့် ရေကြီး၊ ရေလျှံမှုများ ဖြစ်ပွားနေသည်။
