မြန်မာ့အိမ်နီးချင်းနှစ်နိုင်ငံဖြစ်တဲ့ အိန္ဒိယနဲ့ ထိုင်းနိုင်ငံတို့ရဲ့ နိုင်ငံခြားရေးဝန်ကြီးတွေဟာ မြန်မာ့အရေးကိုဆွေးနွေးခဲ့တယ်လို့ The Times of India က ဒီနေ့ဖော်ပြပါတယ်။
အိန္ဒိယနဲ့ ထိုင်းနိုင်ငံခြားရေးဝန်ကြီးနှစ်ဦးဟာ (၇၆) ကြိမ်မြောက် ကုလသဂ္ဂအထွေထွေညီလာခံတက်ရောက်ဖို့ အမေရိကန်၊ နယူးယောက်မြို့ကို ရောက်ရှိနေစဉ်မှာ မြန်မာ့အရေးကို သီးခြားတွေ့ဆုံဆွေးနွေးခဲ့တာဖြစ်ပြီး ဆွေးနွေးမှုအသေးစိတ်ကိုတော့ ထုတ်ဖော်ပြောဆိုခြင်းမရှိပါဘူး။
“အခြားအိမ်နီးချင်းနိုင်ငံဖြစ်တဲ့ထိုင်းနဲ့ မြန်မာ့အခြေအနေအပေါ် ကောင်းမွန်တဲ့ဆွေးနွေးမှုဖြစ်ပါတယ်။ အာဆီယံ ရဲ့ ဦးဆောင်မှုအပေါ် ကျွန်ုပ်တို့ရဲ့ထောက်ခံမှုကို ထိုင်းနိုင်ငံခြားရေးဝန်ကြီးကို ထုတ်ဖော်ပြောဆိုခဲ့ပါတယ်” လို့ အိန္ဒိယနိုင်ငံခြားရေးဝန်ကြီး သူ့ရဲ့တွစ်တာမှာ ရေးသားပါတယ်။
အကြမ်းဖက်စစ်တပ်ရဲ့ တရားမဝင် အာဏာသိမ်းမှုအပြီးမှာ မြန်မာနိုင်ငံနဲ့ နယ်နိမိတ်ချင်းထိစပ်နေတဲ့ အိန္ဒိယနဲ့ ထိုင်းဘက်ကို မြန်မာပြည်သူထောင်ပေါင်းများစွာ တိမ်း ရှောင်ထွက်ပြေးနေကြရပါတယ်။
Public Service Announcement
