စစ်ကိုင်းတိုင်း မုံရွာမြို့နယ်တွင် ယနေ့နံနက်က စစ်ကောင်စီတပ်၏ သံချပ်ကာယာဉ်ပါဝင်သည့် စစ်ကောင်စီ ယာဉ်တန်း မိုင်းခွဲတိုက်ခိုက်ခဲ့၍ ယာဉ်တစ်စီးထိခိုက်ပျက်စီးခဲ့ကြောင်း စစ်ကိုင်းတိုင်းဒေသခံတစ်ဦးက ပြောသည်။
“ မုံရွာကိုလာတာ။ မန္တလေးကနေဆင်းလာတာလို့ပြောတယ်။ နံနက် ၁နာရီခွဲလောက်မှာ နေနဲရွာ အဝင်မှာ မိုင်းခွဲခံရတာ။ သံချပ်ကာ ကားထိတယ်လို့ ပြောတယ်။ ငါးစီးလာတာ တစ်စီးထိတယ်လို့ ကြားတယ်။ အပျက်အစီးက နည်းနည်းထိခိုက်တယ်လို့ကြားတယ်။ အသေအပျောက်တော့မသိဘူး”ဟု ၎င်းက ပြောသည်။
အဆိုပါ မိုင်းခွဲတိုက်ခိုက်မှုကို မည်သည့်လက်နက်ကိုင်အဖွဲ့က လုပ်ဆောင်သည် ဆိုသည်ကို မထုတ်ပြန်သေးပေ။
မုံရွာမြို့တွင် ဒေသခံပြည်သူ့ကာကွယ်ရေးတပ်ဖွဲ့များလှုပ်ရှားမှုရှိသည်။
Public Service Announcement
