အကြမ်းဖက်မြန်မာစစ်တပ်ကို တစ်ကမ္ဘာလုံးက လက်နက်ရောင်းချမှု အခုချက်ချင်းပိတ်ပင်ဖို့ Justice for Myanmar က တောင်းဆိုလိုက်ပါတယ်။
မြန်မာ့စစ်တပ်ရဲ့ရက်စက်ကြမ်းကြုတ်မှုတွေကို နိုင်ငံ တကာလက်နက်ရောင်းသူနဲ့ လက်နက်ပွဲစားများကွန်ယက်ကထောက်ပံ့နေပြီး အကြမ်းဖက်အာဏာသိမ်းကြိုးပမ်းမှုကို ရပ်တန့်ဖို့ လက်နက်ရောင်းတဲ့ ကွန်ယက်တွေကို ဖြတ်တောက်ပစ်ရမယ်လို့ Justice for Myanmarက ဆိုပါတယ်။
ကုလသမဂ္ဂအထွေထွေညီလာခံကလည်း အကြမ်းဖက်မြန်မာစစ်တပ်ကို စစ်လက်နက်ပစ္စည်းရောင်းချမှုကို ကန့်သတ်ဖို့ ပြီးခဲ့တဲ့ ဇွန်လမှာ ဆုံးဖြတ်ချက်ချခဲ့ပါတယ်။ အဲဒီဆုံးဖြတ်ချက်ကို နိုင်ငံပေါင်း ၁၁၉ နိုင်ငံက ထောက်ခံခဲ့ပေမယ့် ဥပဒေအရ စည်းနှောင်မှုမရှိခဲ့ပါဘူး။
ကုလသမဂ္ဂရဲ့ အဲဒီဆုံးဖြတ်ချက်ကို ဘီလာရုစ်တစ်နိုင်ငံပဲ ကန့်ကွက်ခဲ့ပြီး ရုရှားနဲ့ တရုတ်အပါအဝင် နိုင်ငံပေါင်း ၃၆ နိုင်ငံက မဲမပေးခဲ့ကြပါဘူး။
Public Service Announcement
