အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် သန်လျင်သို့ အောက်တိုဘာ ၆ ရက်တွင် လာရောက်မည်ဟု သတင်းထွက်ပေါ် ပြီးနောက် သန်လျင်ဖန်ချက်လမ်းမ ၊ ရေကြောင်းလမ်းဆုံအနီး ကညနရုံးအား ယနေ့ညတွင် ဖောက်ခွဲခဲ့ကြောင်းသန်လျင်ပြည်သူ့ကာကွယ်ရေးတပ်က ကြေညာသည်။
အကြမ်းဖက်စစ်ခေါင်းဆောင်၏သန်လျင်ခရီးစဥ်တွင် လာရောက်နိုင်သော လေလမ်းကြောင်း ၊ ရေလမ်းကြောင်း နှင့် ကုန်းလမ်း များထဲမှ တစ်ခုအပါ အဝင်ဖြစ်သော ကုန်လမ်းကြောင်းတွင် ဖောက်ခွဲခဲ့ပြီး ၎င်းရောက်လာပါကလည်း တိုက်ခိုက်ရန် အသင့်ရှိကြောင်း TLPDF က ထုတ်ပြန်သည်။
“ဒီနေ့ ည ၇ နာရီ ကျော်မှာ ပေါက်တာ အသံတော့ တော်တော်ကျယ်တာ ။ လူအထိအခိုက်တော့ မသိရသေးဘူး”ဟု သန်လျင်မြို့ခံ တစ်ဦးက ပြောသည်။
အောက်တိုဘာ ၄ ရက်က သန်လျင်မြို့နယ် ၊ သီလဝါ အောက်လမ်းဆုံတွင် TLPDF မှ စစ်ကောင်စီ၏ စစ်ဆေးရေးစခန်းအား အဝေးထိန်း စနစ်ဖြင့်
မိုင်းဖောက်ခွဲတိုက်ခိုက်ရာ စစ်ကောင်စီတပ်သား နှစ်ဦး သေဆုံး၍တစ်ဦး ဒဏ်ရာပြင်းထန်စွာ ရရှိခဲ့သည်ဟု သိရသည်။
အာဏာသိမ်းစစ်ခေါင်းဆောင်မှာ ကချင် ပြည်နယ် ပူတာအိုသို့သွားရောက်မည်ဟု နှစ်ကြိမ်တိုင် သတင်းထွက်ပေါ်ခဲ့ပြီး လုံခြုံရေး ကြောင့် ခရီးစဥ် ဖျက်ခဲ့သည်။
ထိုနောက်ပူတာအိုသို့သွားရန် တတိယအကြမ်မြောက် စီစဥ်နေပြီးပူတာအို PDF ကလည်း ၎င်းလာရောက်ပါက တိုက်ခိုက်ရန် အသင့်ဖြစ်ကြောင်း အသိပေးခဲ့ပြီး အောက်တိုဘာ ၃ ရက်က ပူတာအို စစ်ဆေးရေးဂိတ်ကို ဝင်ရောက်ပစ်ခတ်ခဲ့သည်။