မကွေးတိုင်း ပေါက်မြို့နယ် ဇီးပြားရဲစခန်းကို တိုက်ခိုက်ခဲ့ရာ ရဲ နှစ်ဦးသေဆုံးပြီး အထိအခိုက်များရှိကြောင်း မြိုင်မြို့နယ် ပြည်သူ့ကာကွယ်ရေးတပ်ဖွဲ့(PDF)က ထုတ်ပြန်သည်။
မြိုင် PDF သည် ပေါက်မြောက်ပိုင်းPDF အဖွဲ့နှင့် ပူးပေါင်းကာ အောက်တိုဘာ ၁၂ရက် ည ၉နာရီမှ ၁၀နာရီအချိန်ထိ ဇီးပြားရဲစခန်းအား ဝင်ရောက်ပစ်ခတ်ခဲ့သည်ဟု ဆိုသည်။
စစ်ကောင်စီမှ ရဲ နှစ်ဦးသေဆုံးပြီး အထိအခိုက်များရှိသည်ဟု ခန့်မှန်းရကြောင်း၊ ရဲများ စခန်းကို စွန့်ခွာကာ အနီးနားရှိ တောင်ကုန်းပေါ်မှ ပြန်လည်ပစ်ခတ်သောကြောင့် စခန်းအား မီးရှို့နေရင်း အထိအခိုက်မရှိ ပြန်လည်ဆုတ်ခွာနိုင်ခဲ့သည်ဟု ဖော်ပြထားသည်။
“ဖြစ်တာကဟုတ်တယ်။ စခန်းမီးရှို့တဲ့အဆင့်ရောက်၊မရောက်မသိဘူး”ဟု ပေါက်ဒေသခံက ပြောသည်။ အပြန်အလှန်ပစ်ခတ်မှုများရှိ၍ သေဆုံးထိခိုက်မှုရှိနိုင်သည်ဟု ၎င်းက ဆိုသည်။
Public Service Announcement
