ကယားပြည်နယ်အတွင်း တိုက်ပွဲများကြောင့် ထွက်ပြေးတိမ်းရှောင်ရင်း စားနပ်ရိက္ခာပြတ်လပ်နေသည့် စစ်ရှောင်စခန်းတစ်ခုကို Free Burma Ranger -Karenni အဖွဲ့က ရိက္ခာသယ်ယူပို့ဆောင်ပေးနေစဥ် ယာဉ်မတော်တဆဖြစ်ပြီး ချောက်ထဲပြုတ်ကျ၍ အဖွဲ့ဝင်တစ်ဦးကျဆုံးခဲ့ရကြောင်း အဆိုပါအဖွဲ့က သတင်းထုတ်ပြန်သည်။
ကရင်နီ (ကယား)ပြည်နယ်အတွင်းရှိ စစ်ဘေးရှောင်များအားအရေးပေါ်အစားအသောက်နှင့် အသုံးအဆောင်များ ထောက် ပံ့ခြင်း (Good Life Glub) အစီအစဥ်ဖြင့် ခွန်အားပေး နှစ်သိမ့်ခြင်းများကို Free Burma Ranger- Karenni အဖွဲ့က ဆောင်ရွက်နေသည်။
ကယားပြည်နယ်အတွင် အကြမ်းဖက်စစ်ကောင်စီ၏ ထိုးစစ်ကြောင့် စစ်ဘေးရှောင်ရသူ ရှစ်သောင်းကျော် အထိရှိနေကြောင်းလည်း လူမှုအဖွဲ့အစည်းများက ထုတ်ပြန်ထားသည်။
အဆိုပါစစ်ရှောင်များတွင် အရေးပေါ်စားနပ် ရိက္ခာများ၊ဆေးဝါးများ နှင့် အခြေခံလူသုံးကုန် ပစ္စည်းများစွာ လိုအပ်မှုများဖြစ်ပေါ်နေသည်ဟု သိရသည်။
Public Service Announcement
စစ်တပ်၏ အာဏာသိမ်းအကျိုးဆက်မှတစ်ဆင့် ကယား ပြည်နယ်အတွင်း အောက်တိုဘာ ၁၁ ရက်အထိ သေဆုံးမှုစာရင်းအရ ၁၂၂ ဦးရှိကာ ယင်းအနက် ၈၂ ဦးမှာအပြစ်မဲ့ပြည်သူများဖြစ်ပြီး စစ်တပ်က ပစ်သတ်ခဲ့ခြင်းဖြစ်သည်။
