ချင်းပြည်န် ဖလမ်းမြို့နယ် သီးဘွာလ်တပ်စခန်းရှိ အကြမ်းဖက်စစ်ကောင်စီတပ်များနှင့် ယနေ့နာရီဝက်ခန့်အကြာ တိုက်ပွဲဖြစ်ပွားခဲ့ကြောင်းချင်းအမျိုးသားကာကွယ်ရေးတပ်ဖွဲ့ (CNDF)က ထုတ်ပြန်သည်။
အောက်တိုဘာ၁၅ရက် နံနက် ၁၁နာရီအချိန်ခန့်တွင် နယ်မြေရှင်းလင်းရေး လုပ်ဆောင်ရန် ထွက်လာကြသော စစ်ကောင်စီတပ်များကို CNDFက ခုခံတိုက်ခိုက်ရာ အကြမ်းဖက်စစ်ကောင်စီတပ်ဘက်မှ တစ်ဦးသေဆုံးကာ၊ တစ်ဦးဒဏ်ရာ ရရှိခဲ့သည်ဟု ဆိုသည်။
အကြမ်းဖက်စစ်ကောင်စီတပ်များမှ လက်နက်ကြီးများအသုံးပြု၍ အကြိမ်ပေါင်းများစွာ ပစ်ခတ်ခဲ့သော်လည်း CNDF တပ်ဖွဲ့ဝင်များ အထိအခိုက်၊ အကျအရှုံးမရှိပဲ အောင်မြင်စွာ ပြန်လည်ဆုတ်ခွာနိုင်ခဲ့ကြောင်းထုတ်ပြန် သည်။
ချင်းအမျိုးသားတပ်ဦး CNF တပ်နှင့် ချင်းပြည်နယ်ကာ ကွယ်ရေးတပ် (CDF)တို့နှင့် ဖလမ်းမှ ဟားခါးမြို့ဘက်သို့ အင်အားဖြည့်တင်းလာနေသည့် စစ်ကောင်စီ တပ်များသည် အောက်တိုဘာ ၁၃ရက်မှ စတင်၍ တိုက်ပွဲဖြစ်ပွားနေသည်။
Public Service Announcement
