မန္တလေး ကျောက်ဆည်မြို့နယ်ထဲက ရှိ ရန်ကုန် -မန္တလေး ရထားလမ်းပိုင်းမှာ ပေါက်ကွဲမှုဖြစ်ပွားခဲ့ပါတယ်။
ဒီနေ့ မနက်ပိုင်းက ကျောက်ဆည်မြို့နယ် ထနောင်းပင်လှနဲ့မြင်ကဘက်ကျေးရွာကြားမှာရှိတဲ့ ရန်ကုန် -မန္တလေး ရထားသံလမ်း မိုင်တိုင် ၃၇၅မှာ ဖောက်ခွဲခံရတာပါ။
“ဖြစ်တာက မနက်၇နာရီလောက်ကပဲ ။ တံတားပေါ်မှာ ပေါက်ကွဲတာ။အစုန်ရထားတွေသွားတဲ့သံလမ်းပေါ့”ဟု ဒေသခံတစ်ဦးကပြောပါတယ်။
ပေါက်ကွဲမှုဖြစ်ပွားချိန်မှာ ရထားသွားလာခြင်းမရှိတဲ့အတွက် လူထိခိုက်မှုတွေတော့မရှိခဲ့ပါဘူး။
Public Service Announcement
ပေါက်ကွဲမှုကြောင့် ရထားလမ်းပိုင်းပျက်စီးသွားတယ်လို့သိရပါတယ်။
ကျောက်ဆည်ခရိုင်အတွင်းမှာရှိတဲ့ ရန်ကုန် -မန္တလေး ရထားလမ်းပိုင်းမှာ မကြာခဏဆိုသလို ဖောက်ခွဲခံရမှုတွေရှိခဲ့နေပါတယ်။
ပြီးခဲ့တဲ့ အောက်တိုဘာလ ၁၄ရက်နေ့ကလည်း ကျောက်ဆည်မြို့နယ်အတွင်းက ရထားသံလမ်းပေါက်ကွဲမှုဖြစ်ပွားလို့ စစ်ကောင်စီတပ်ဖွဲ့များသွားရောက်ကြည့်စဉ် ထပ်မံပေါက်ကွဲမှုတွေ ဖြစ်ပွားခဲ့ပါတယ်။
ယခုလပိုင်းအတွင်း ကျောက်ဆည်ရှိ ရထားလမ်းပိုင်းဗုံးပေါက်ကွဲမှု ငါးကြိမ်ထက်မနည်းဖြစ်ပွားခဲ့ပါတယ်။
