စစ်တပ်အတွင်းမှာ စစ်ကောင်စီကို စွန့်ခွာလိုသူတွေများပြားနေပြီး စွန့်ခွာဖို့ အခက်အခဲရှိနေရင် ပြည်သူ့စစ်သားအဖွဲ့ကို ဆက်သွယ်ဖို့ People’s Soldier က ထုတ်ပြန်ပါတယ်။
စစ်တက္ကသိုလ် အပါတ်စဉ် ( ၅၂) မှ ဗိုလ်ကြီး အောင်မျိုးထက်ဟာ စစ်ကာင်စီကို စွန့်ခွာပြီး ပြည်သူ့ဘက်ရပ်တည်ခဲ့တာကို ထုတ်ပြန်ရာမှာ တန်ဖိုးမရှိတော့တဲ့ စစ်ကောင်စီစစ်သားလုပ်မလား ၊ တန်ဖိုးရှိရှိ ပြည်သူ့တပ်မတော်သားလုပ်မလားဆိုတာကို ရဲရဲရွေးချယ်ကြဖို့ People’s Soldier က တိုက်တွန်းထားပါတယ်။
နိုင်ငံတော်အနာဂတ်၊ တပ်မတော်အနာဂတ်အတွက် ရဲရင့်ကြဖို့လည်း ပြည်သူ့စစ်သားအဖွဲ့က နှိုးဆော်ထားပါတယ်။
မင်းအောင်လှိုင်ဟာ ခေါင်းဆောင်ကောင်းမဟုတ်ဘဲ ရာဇဝတ်ကောင်တစ်ဦးရဲ့လက်အောက်မှာ အမှုထမ်းမယ့်အစား ပြည်သူ့ရင်ခွင်ကိုခိုလှုံဖို့လည်း တိုက်တွန်းထားပါတယ်။
Public Service Announcement
ပြည်သူ့စစ်သားအဖွဲ့ဟာ ပြည်သူ့ဘက်ရပ်တည်တဲ့ ပြည်သူ့စစ်သားကောင်းတွေနဲ့ ဖွဲ့စည်းထား တဲ့ အဖွဲ့ဖြစ်ပြီး ပြည်သူ့စစ်သားအဖွဲ့ကို https://www.peoplesoldiers.org ကတဆင့် ကူညီနိုင် တယ်လို့ ထုတ်ပြန်ပါတယ်။
