စစ်ကောင်စီ၏ အကြမ်းဖက်တိုက်ခိုက်မှုအတွင်း အရပ် သားများမထိခိုက်စေရေးအတွက် ကားများသွားလာခြင်းမပြုရန် ပြည့်ကာကွယ်ရေးတပ်ဖွဲ့များက သတိပေးထားသည့် ကလေး – ဂန့်ဂေါလမ်းပိုင်းတွင် ယနေ့(အောက်တို ဘာ၂၅)မိုင်းပေါက်ကွဲခဲ့ပြီး ကုန်တင်ကားတစ်စီး ထိခိုက်ပျက်စီးခဲ့သည်။
ယနေ့ ညနေ ၃နာရီခန့်က ကလေးမြို့ စည်သာကျေးရွာနှင့် နတ်မြောင်းကျေးရွာကြားတွင် မိုင်းပေါက်ကွဲခဲ့ပြီး ကုန်တင်ကားတစ်စီး ထိခိုက်ခဲ့သည်ဟု ဒေသခံများကပြောသည်။
“ကားသမား ဒဏ်ရာရသွားတယ်။ အရမ်းတော့မများဘူး။ ကားကတော့ ပျက်စီးသွားတယ်” ဟု ဒေသခံတစ်ဦးကပြောသည်။
စစ်ကိုင်းတိုင်းဒေသကြီးအတွင်းရှိ ပြည်သူ့ကာကွယ်ရေးတပ်(PDF)များကို ထိုးစစ်ဆင်ရန်အတွက် စစ်ကောင်စီက ပြင်ဆင်နေကြောင်းရာ ဒေသတွင်း၌ ခရီးသွားလာခြင်းများမပြုရန် ပြည်သူ့ကာကွယ်ရေးတပ်များက မေတ္တာရပ်ခံထားသည်။ အကြမ်းဖက်စစ်ကောင်စီတပ်ဖွဲ့ဝင်များက အရပ်သားကားများအား အသုံးပြုကာ အင်အားတိုးချဲ့ခြင်း၊ လက်နက်သယ်ဆောင်ခြင်းများပြုလုပ်နေသည်ဟု PDFနှင့် နီးစပ်သူများက ပြောသည်။
Public Service Announcement
