ရန်ကုန်မြို့ မင်္ဂလာဒုံမြို့နယ် အနန်းပင်ရပ်ကွက်၊ ခရေပင်ရိပ်မွန်လမ်းရှိ လေတပ်လုံခြုံရေးဂိတ်ကို ယနေ့ (နိုဝင်ဘာ၇ရက်)နေ့လည် ၂ နာရီကျော်က အမည်မသိ လူအချို့ လာရောက်ပစ်ခတ်ခဲ့ရာ လေတပ်သားနှစ်ဦး သေဆုံးခဲ့ကြောင်း ဒေသခံများက ပြောသည်။
“ခရေပင်ရိပ်မွန်အိမ်ရာနားက လေတပ်လုံခြုံရေးဂိတ်ကို ပစ်သွားတာလို့ သိရပါတယ်။ လေတပ်သား နှစ်ဦး သေဆုံးပြီးနှစ်ဦး ဒဏ်ရာ ရတယ်လို့တော့ သိရပါတယ်။ အခုတော့ စစ်ဆေးရေးတွေ တင်းကြပ်နေပါတယ် ” ဟု မဂ်လာဒုံမြို့နယ်နေ ပြည်သူတစ်ဦးက ပြောသည်။
အကြမ်းဖက်စစ်ကောင်စီ တပ်ဖွဲ့ဝင်များက ရန်ကုန်-ပြည်လမ်းမကို ပိတ်ဆို့၍ စစ်ဆေးမှုများ ပြုလုပ်နေပြီး ဆိုင်ကယ် ကယ်ရီဂိတ်များကိုလည်း စစ်ဆေးနေကြောင်း ဒေသခံအချို့က ပြောသည်။
ယနေ့တွင် ရန်ကုန်မြို့၌ မဂ်လာဒုံမြို့နယ်အပါအဝင် မရမ်းကုန်းမြို့နယ်နှင့် တောင်ဒဂုံမြို့နယ်တို့တို့တွင်လည်း ပစ်ခတ်မှုများ ဖြစ်ပွားခဲ့သည်။
Public Service Announcement
